اتىراۋ وبلىسى بويىنشا ءۇيىرلى شەگىرتكەلەرگە قارسى 2017 جىلى 19530 گەكتار ايماقتا حيميالىق وڭدەۋ شارالارى جۇرگىزىلدى، ونىڭ 14170 گا يتالياندىق پرۋسقا، 5 360 گا ازياتتىق شەگىرتكەگە قارسى وڭدەلدى دەپ حابارلايدى قامشى اقپاراتتىق اگەنتتىگى ق ر اشم باسپا ءسوز قىزمەتىنە سىلتەمە جاساپ.

وبلىستا جانە بارلىق اۋدان جانە قالادا جەدەل ارەكەت ەتۋ شتابتارى قۇرىلىپ، حيميالىق وڭدەۋ شارالارىنىڭ ءجۇرۋ بارىسىن قاداعالاپ وتىردى.

قىزىلقوعا اۋدانىندا بيىلعى جىلى 11000 گەكتار جەرگە حيميالىق وڭدەۋلەر جۇرگىزىلىپ، تيىمدىلىگى 87-90 پايىزدى قۇرادى. اقتوبە جانە باتىس قازاقستان وبلىستارىنىڭ ماماندارىمەن بىرلەسكەن زەرتتەۋلەر وتكىزىلىپ، شەكارالار ماڭىندا شەگىرتكەدەن ءقاۋىپتىڭ اناعۇرلىم جوق ەكەنى انىقتالدى.

قازىرگى تاڭدا ۋلانۋعا جاتپايتىن، ياعني مەتوديكالىق نۇسقاۋلىققا سايكەس ەكونوميكالىق زياندىلىق شەگىنەن اسپايتىن (1 شارشى مەترگە 5 دەرناسىلگە دەيىن) شەگىرتكە زيانكەستەرىنىڭ ۇشۋى سايابىرسىپ، شاعىلىسۋعا تۇسە باستاعان. سودان كەيىن ولاردىڭ تابيعي ءولۋى باستالادى. ۇشۋ جانە شاعىلىسۋ كەزىندە داقىلدارعا زيانى تيمەيدى.

بيىلعى جىلى ساياق شەگىرتكەلەردىڭ (نەستادكا) ماحامبەت، يندەر جانە قىزىلقوعا اۋداندارىندا سانى كوبەيگەنى بايقالدى. وبلىستىق بيۋدجەتتە قارجى قارالماعاندىقتان، ساياق شەگىرتكەلەرمەن كۇرەس شارۋالار ەسەبىنەن جۇرگىزىلدى.

كەلەسى جىلعا ساياق شەگىرتكەلەرگە قارسى كۇرەس جۇرگىزىلۋ قاجەتتىلىگى تۋرالى اتىراۋ وبلىستىق ينسپەكسياسى تاراپىنان وبلىستىق اۋىل شارۋاشىلىعى باسقارماسىنا 2017 جىلى 31 مامىر كۇنى حات جىبەرىلدى.

قازىرگى تاڭدا جالپى اتىراۋ وبلىسى بويىنشا ءۇيىرلى شەگىرتكەلەرگە قارسى كۇرەس جۇمىستارى تولىق اياقتالىپ، شەگىرتكەلەردىڭ شاعىلىسۋى، تۇقىم سالۋى بويىنشا مونيتورينگتىك جۇمىستار جۇرگىزىلۋدە.

شولۋشى: اسەم المۇحانبەت