قىزىم مەنىڭ،
ساۋلە شاشىپ ويناسىن جۇزىڭدە كۇن.
ءوز قولىممەن وسىرگەن قىزعالداعىم،
قالامايمىن گۇلىمنىڭ ۇزىلگەنىن.
قىزىم مەنىڭ،
قىلىعىڭدى ءتاپ-تاتتى ءجۇزىم دەدىم.
بۇل ءومىردىڭ ب ا ق تۇنعان باقشاسىنان،
جەمىسىڭدى قالاعان ءۇزىپ جەگىن.
قىزىم مەنىڭ،
بولاشاعىڭدى ويلاۋمەن بۇزىلدى ءوڭىم.
قىسقا-قىسقا تاعدىرلار قۇرايدى ەكەن،
تارام-تارام تىرلىكتىڭ ۇزىن جولىن.
قىزىم مەنىڭ،
بوي جەتەرسىڭ بويالىپ قىزىلعا ەرىن.
بۇل اكەڭنىڭ تىلەگى: اناڭداي بول،
اناڭ سەنىڭ اتانعان ءتۇزۋ كەلىن.
قالقامان سارين
