فلوريدا شتاتىنىڭ تۇرعىنى اللان دانن الەۋمەتتىك ساقتاندىرۋ جارنالارىن الىپ وتىرۋ كوز جۇمعان ايەلىنىڭ ءمايىتىن سەگىز جىل بويى مۇزداتقىشتا ساقتاعان. ءتىپتى تامىر-تانىستارىنان دا ايەلىنىڭ قازا تاپقانىن جاسىرىپ كەلگەن دەپ حابارلايدى قامشى اقپاراتتىق اگەنتتىگى شەتەلدىك باق-قا سىلتەمە جاساي وتىرىپ.
اللان داننىڭ ايەلى مارگارەت دانن 2002 جىلى قايتىس بولعان. ونىڭ ءمايىتى ەرى دۇنيە سالعانعا دەيىن سەگىز جىل بويى مۇزداتقىشتا جاتقان. سەگىز جىلدا اللان دانن مەملەكەتتەن ايەلىنە تيەسىلى 92 مىڭ دوللار جاردەماقى الىپتى.
بۇل وقيعا ەر ادام قايتىس بولعاندا عانا بەلگىلى بولعان. ال ەرلى-زايىپتىلاردىڭ مۇراگەرلەرى زاڭسىز الىنعان قاراجاتتى قايتارۋ ءۇشىن اكە-شەشەلەرى تۇرعان ءۇيدى ساتىلىمعا شىعارعان.
شولۋشى: اقنۇر مۇحتارحان
