اراب تەلەارناسىنىڭ ءتىلشىسى دجەنان مۋسسا دايش سودىرلارىنىڭ ايەلىنەن سۇحبات الدى. دايش باسكەسەرلەرىنىڭ ايەلدەرى سيريانىڭ سولتۇستىگىندەگى راككي ايماعىندا بوسقىن رەتىندە تۇرىپ جاتىر. ءتىلشىنىڭ ايتۋى بويىنشا، الگى ايەلدەر كۇيەۋلەرىنىڭ قىلمىس جاساعانى ءۇشىن ەمەس، كوزىنە ءشوپ سالىپ، باسقا ايەلگە بارعانى ءۇشىن ۋايىمداپ وتىر ەكەن. بوسقىن بولعان 7 ايەلدىڭ كۇيەۋى وزگە قالالاردا تۇرمەدە وتىر، ءتىپتى كەيبىرەۋى ءولىپ تە قالعان. ال بوسقىن ايەلدەر كۇيەۋلەرىنىڭ سەكسۋالدىق-قۇلدىقتاعى قىزداردى زورلايتىنىنا قاپالانىپ وتىر.

ايەلدەردىڭ ءبىرىنىڭ ايتۋى بويىنشا، جەندەتتەردىڭ ءارقايسىسىنىڭ تەلەفونىندا باسقا ايەلدەرمەن سويلەسۋگە ارنالعان ارنايى باعدارلاما بار ەكەن. تەرروريستەر قاراپايىم ايەلدى 2-3 مىڭ دوللورعا ساتىپ الادى. الايدا ەگەر ساتىلىمدا تۇرعان ناعىز قىز بولسا، ونىڭ باعاسى 10 مىڭ دوللورعا دەيىن ءوسۋى مۇمكىن.

«ءبىزدىڭ كۇيەۋلەرىمىز سەكسۋالدىق-قۇلدىقتاعى قىزدارعا كوپ اقشا جۇمساۋدا. ءتىپتى ولارعا وپا-دالاپ پەن كيىم ساتىپ الىپ بەرىپ جاتىر. ءبىز وسىعان الاڭداپ وتىرمىز. ءبىز كۇيەۋلەرىمىزدى سيرەك كورەمىز. ولار بوستان-بوسقا ايەلدەرگە اقشا قۇرتىپ جاتىر»، -  دەيدى ايەلدەردىڭ ءبىرى.

كۇيەۋلەرىنە رەنجىپ جۇرگەن ايەلدەر قۇلدىقتاعى ايەلدەرگە قاشۋعا كومەكتەسەدى ەكەن. ءبىراق ولار قۇلدىقتاعى ايەلدەردى اياعاندىقتان ەمەس، كۇيەۋلەرىن قىزعانعاندىقتان كومەكتەسەدى. كۇيەۋلەرىن قىزعاعانى سونشالىق بوسىن ايەلدەر قاشىپ كەتكەن ايەلدەردى ۇستاپ السا دا قينالمايدى ەكەن. قاشقىن ايەلدەردى ۇستاپ العان كەزدە ولاردى جازالاۋ ءۇشىن ءولتىرىپ تاستاۋى دا مۇمكىن. ءبىراق بوسقىن ايەلدەر ول تۋرالى مۇلدەم ويلاعىسى كەلمەيدى. سەبەبى ولارعا قۇلدىقتاعى ايەلدەردىڭ جوق بولىپ كەتكەنى عانا ماڭىزدى.

اۋدارعان: اسەل بولات قىزى