ءۇندى ەلىنىڭ الەمگە ايگىلى اكتريساسى ايشۆاريا راي ءوز زامانىندا ەرەكشە قۇرمەتكە بولەنىپ جۇرەتىن ەدى. بولليۆۋد فيلمدەرىن كوپ قارامايتىن ادامنىڭ ءوزى بۇل اكتريسانىڭ ەسىمىن ەستىپ، سۇلۋلىعىنا تامسانعان. اتاقتى اكتريسا ءقازىر 44 جاستا. ول اتاقتى بولعاننان كەيىن بىرنەشە رەت پلاستيكالىق وتا جاساتقانى بەلگىلى بولعان. 

ەرەكشە سۇلۋ قىز 1994 جىلى «الەم ارۋى» بايقاۋىنا قاتىسىپ، بۇكىل ەلدى ءوز سۇلۋلىعىمەن تاڭعالدىرعان بولاتىن.

ول بايقاۋدان كەيىن بىردەن جۇلدىز بولىپ شىعا كەلدى. كەيىن ول بىرنەشە ءۇندى فيلمدەرىنە ءتۇستى، ءتىپتى گولليۆۋدتىق كينوستۋديالارمەن كەلىسىمشارت جاساستى.

ەرەكشە سۇلۋلىعىمەن تامساندىرعان قىز كوك كوزدى، بەت-بەينەسى ءمىنسىز ەكزوتيكالىق وبرازىمەن ەرەكشەلەنەتىن.

ايشۆاريا رايدىڭ قاتىسۋىمەن تۇسىرىلگەن فيلم بىردەن اتاقتى بولىپ، كوپتەگەن كورەرمەن جينايتىن ەدى.الايدا جۇلدىزدى ءومىر باسىندا كەرەمەت باستالعانىمەن سولاي جالعاسا بەرمەدى. ءومىرى كۇرت وزگەرىسكە ۇشىرادى.

ايشۆاريا راي ءۇندى كينوسىنىڭ پاتشاسى اميتابحا باچچاننىڭ ۇلى حانزادا ابحيشەككە تۇرمىسقا شىعادى. ولاردىڭ تويلارى كەرەمەت وتكەن بولاتىن.

2011 جىلى ايشۆاريا رايدىڭ قىزى اارادحيا دۇنيەگە كەلەدى. كەيىن وسى قىز اناسىنىڭ بارلىق سۇلۋلىعىن الىپ كەتتى دەگەن پىكىرلەر ءجيى ايتىلىپ ءجۇردى. ايشۆاريا راي قىزىن دۇنيەگە اكەلگەننەن كەيىن حالىقتىڭ الدىنا مۇلدەم شىقپادى.

ونىڭ بوسانعاننان كەيىنگى العاشقى سۋرەتى بۇكىل جانكۇيەرلەرىن شوشىتقان ەدى. وسى سۋرەت الەۋمەتتىك جەلىگە جاريالانعاننان كەيىن ءتۇرلى پىكىرلەر جازىلىپ تا، ايتىلىپ تا جاتتى. كوپتەگەن ادامدار سۋرەتتەگى ايشۆاريا راي ەكەنىنە سەنبەدى.

الايدا 2012 جىلى بولعان كانن قىزىل كىلەمىنەن ءجۇرىپ وتكەن اكتريسانى كورگەندەر تاڭدانىستارىن جاسىرا المادى. اكتريسا ءوز كەمشىلىگىن جاسىرعىسى كەلگەنىمەن حالىقتى الداي المادى.

وسىدان كەيىن كوپتەگەن ادامدار ونىڭ سالماق تاستاپ، وز-وزىنە كەلۋى كەرەك ەكەنىن ايتىپ جاتتى. ال جەرگىلىكتى ب ا ق وكىلدەرى الەمگە ايگىلى اكتريسا تۋرالى جارىسا جازدى.

ءبىراز جىل وتكەننەن كەيىن ايشۆاريا راي ارىقتاي باستادى. الايدا ول باسقا دا اكتريسالار سەكىلدى تەز قارتايىپ كەتتى. ول بەتىندەگى ءاجىمىن وپا-دالاپ ارقىلى جاسىرعىسى كەلگەنىمەن، حالىق كەمشىلىكتى بىردەن بايقادى.

كانن-2017 كەزىندە ايشۆاريا راي ەرەكشە كويلەگىمەن ەلدىڭ كوزىنە ءتۇستى. الايدا حالىق ونىڭ بەتىدەگى بوياۋدى سىنعا الا باستادى. ءبىراق اكتريسا كيگەن كويلەك شىنىمەندە وزىنە جاراسىپ تۇرعان بولاتىن.

كەز-كەلگەن ءارتىستىڭ بيىك شىڭى مەن ودان قۇلايتىن نەمەسە سول شىڭنان تۇسەتىن كەزەڭى بولادى. سەبەبى قازىرگى ادامدار بىرىنەن ءبىرى وتكەن ادەمى جانە اقىلدى. الەمدە ساياسي جاعىن ايتپاعاندا نە ءۇشىن «الەم ارۋى» سايىسى جىل سايىن ۇيىمداستىرىلادى. سەبەبى ولار سايىستى جىل سايىن ءتىپتى كۇن سايىن وتكىزسە دە ەرەكشە سۇلۋ قىزداردى تابا الادى. سەبەبى الەمدە قانشا ادام بولسا سونشالىقتى ولاردىڭ ءوز ەرەكشەلىكتەرى بار. ولاردىڭ ءبىرى دارىندى بولسا، ءبىرى كورىكتى بولۋى مۇمكىن. سوندىقتان الەمدە تەك مەن ەڭ سۇلۋمىن نەمەسە ەڭ اقىلدىمىن دەپ ەشكىم ايتا المايدى. 

اۋدارعان: اسەل بولات قىزى