اۋىلدى جەرلەردىڭ، جەر ۇيلەردەگى دارەتحانالاردى قالانىكىمەن سالىستىرۋعا كەلمەيدى. ايىرماشىلىق بار. ايىرماشىلىعى سول قالاداعى كوپقاباتتى ۇيلەردىڭ دارەتحانالاردا ۋنيتاز بولادى. كادىمگى ۋنيتاز. سول ۋنيتازدا كوپ ادام دۇرىس وتىرمايتىندىعىن ايتىپ، الەم دارىگەرلەرى دابىل قاعۋدا. ماسەلەن، كوپشىلىگى ۋنيتازدا وتىرعاندا دەنەسىن 90 گرادۋستا ۇستايدى (1-سۋرەت). ال، دارىگەرلەر بۇلاي وتىرۋدىڭ دۇرىس ەمەس ەكەندىگىن، ونىمەن قويماي دەنساۋلىققا زيان ەكەندىگىن العا تارتۋدا. "ۇلى ءسوزدىڭ ۇياتى جوق" دەمەكشى، ءبىز سىزدەرگە اجەتحانادا قالاي دۇرىس وتىرۋ كەرەكتىگى جايىندا از-كەم كەڭەس ايتپاقپىز. بۇل تۋرالى  قامشى اقپاراتتىق اگەنتتىگى Ihsan.kz-كە سىلتەمە جاساپ جازادى.

1-سۋرەت

سوندا قالاي وتىرۋ كەرەك؟ دەگەن زاڭدى سۇراق تۋادى. دۇرىس وتىرۋدىڭ ۇلگىسى 2-سۋرەتتە كورسەتىلگەن.

 2-سۋرەت

اجەتحانادا بۇلاي وتىرۋدىڭ دۇرىس ەكەندىگىن ءقازىر الەم دارىگەرلەرى مويىنداپ وتىر. مويىنداعانىمەن قويماي، وسىلاي وتىرۋعا ۇندەپ دابىل قاعۋدا. ءتىپتى، سۋرەتتەرىمەن كورسەتىپ، الەۋمەتتىك جەلىلەردە كەڭىنەن تارالۋىنا ۇلەس قوسۋدا. 

ەگەر دە دارەتحانادا وتىرعاندا ارقاڭىز 90 نەمەسە 75 گرادۋسقا قانا يىلسە جەل نەمەسە قورىتىلعان ارتىق زاتتاردى شىعاراتىن ىشەك جولدارى قىسىلىپ قالادى (3-سۋرەت). بۇل ءوز كەزەگىندە ءىشتىڭ كەبۋىنە، ىشەك جولدارىنىڭ بۇزىلۋىنا جانە گەمورروي سەكىلدى اۋرۋلارعا اپارىپ سوقتىرۋى مۇمكىن. 

 3-سۋرەت

35 گرادۋس قالىپتا وتىرساڭىز ءبارى دە باسقاشا بولماق. جەڭىل تۇردە وتەدى. 

"ءبىراق، قازىرگى ۋنيتازدار مۇنداي وتىرىسقا ىڭعايلى ەتىپ جاسالماعان عوي" دەۋىڭىز مۇمكىن. ەگەر دە اياعىڭىزدىڭ استىنا كىشكەنتاي ورىندىق قويساڭىز، دۇرىس وتىرعان بولاسىز. دەنساۋلىقتىڭ دا بۇزىلۋىنىڭ الدىن الاسىز. قوعامدىق ورىندارداعا دارەتحانالاردا دا وسىعان جاعداي جاسالۋ كەرەك.

دۇرىسى وسىلار

نەگىزىندە اجەتحانادا وتىرۋدىڭ ءتارتىبىن ءيسى مۇسىلمان بالاسى جاقسى بىلەدى. سەبەبى، اجەتحانادا جۇرەلەپ وتىرعاندا وڭ تىزەسىن كوتەرىڭكىرەپ، سول اياعىن باسىڭقىراپ وتىرۋ - سۇننەت. ءبايھاقيدىڭ حاديس جيناعىندا كەلگەن ءبىر حاديستە سۋراقا يبن جاعشام بىلاي دەيدى: «بىزگە اجەتحاناعا كىرگەندە سالماعىمىزدى سول اياعىمىزعا سالىپ، وڭ اياعىمىزدىڭ تىزەسىن تىك ۇستاۋىمىزدى ۇيرەتتى».[1] 

كوردىڭىز بە، مەديسينا ەندى عانا دالەلدەپ كوزى جەتىپ وتىرعان دارەتحانادا دۇرىس وتىرۋدىڭ ءتارتىبىن ارداقتى پايعامبارىمىز (س.ع.س.) 14 عاسىر بۇرىن ايتىپ كەتكەن. بۇل پايدالى مالىمەتپەن بولىسىڭىزدەر. جاقىندارىڭىز دا ءبىلىپ ءجۇرسىن. دەنساۋلىقتارىڭىز مىقتى بولسىن!

شولۋشى: سابينا رامازان