يراك پرەمەر-مينيسترى حايدار ءال-ابادي سەگىز اي بويى جيھادشىلارمەن كۇرەستىڭ ناتيجەسىندە ازاتتىققا قول جەتكىزگەن موسۋل قالاسىنىڭ اسكەرىن قۇتتىقتادى، دەپ جازادى قامشى اقپارات اگەنتتىگى.

جەرگىلىكتى باق-تىڭ مالىمەتىنشە، بۇگىن پرەمەر دايش سودىرلارىنان ازات ەتىلگەن قالاعا كەلىپ، يراك حالقى مەن اسكەرىن «ۇلى جەڭىسپەن» قۇتتىقادى. پرەمەر-مينيستردىڭ تۆيتتەر الەۋمەتتىك جەلىسىندەگى رەسمي پاراقشاسىندا موسۋلعا كەلگەن ساتىنەن سۋرەت جاريالاندى.

اقش كواليسيا كۇشتەرىنىڭ قولداۋىمەن يراك سولداتى موسۋلدى ازات ەتۋ وپەراسياسىن 2016 جىلدىڭ قازانىنا باستاعان. الدىمەن موسۋلدىڭ شىعىس بولىگىن العان يراك اسكەرى قالانىڭ باتىس بولىگىنە بەكىنگەن جيھادشىلارعا قارسى بىرنەشە اي بويى شايقاس جۇرگىزگەن. ناتيجەسىندە موسۋلدىڭ تاريحي بولىگى دە دايش تەرروريستەرىنەن ازات ەتىلدى.

بۇۇ مالىمەتى بويىنشا، موسۋلدى ازات ەتۋ وپەراسياسى بارىسىندا مىڭنان اسا بەيبىت تۇرعىن قازا تاۋىپ، ميلليونعا جۋىق ادام ءوز ۇيلەرىن تاستاپ كەتۋىنە ءماجبۇر بولعان.

شولۋشى: گۇلىم جاقان