الماتى قالاسى جەتىسۋ اۋدانىنىڭ جاڭا اكىمى تاعايىندالدى. ق ر اكىمشىلىگىنىڭ جانە الماتى قالاسى ءماسليحاتىنىڭ كەلىسىمىمەن اۋداننىڭ جاڭا اكىمى بولىپ مۇحتار تاجىبايەۆ تاعايىندالدى، - دەپ حابارلايدى Qamshy.kz اقپارات اگەنتتىگى.

مۇحتار تاجىبايەۆ - مەملەكەتتىك قىزمەتتى 1993 جىلى تۋريزم، دەنەشىنىقتىرۋ جانە سپورت مينيسترلىگىنىڭ ءبولىم ينسپەكتورى رەتىندە باستاعان. 

1997-1998 جىلدارى الماتى قالاسى تج باسقارماسىندا جەتەكشى مامان، سەكتور مەڭگەرۋشىسى بولعان. 

2001 - 2010 جىلدار ارالىعىندا قالالىق جالپى ءبىلىم بەرۋ مەكەمەلەرىندە ءمۇعالىم، ديرەكتور قىزمەتتەرىن اتقارعان. 

2010 - 2012 جىلدار ارالىعىندا "نۇر وتان" پارتياسى تۇركسىب اۋداندىق فيليالى ءتوراعاسىنىڭ ءبىرىنشى ورىنباسارى بولعان. 

2012 جىلدان باستاپ الماتى قالاسى تۇركسىب اۋدانى اكىمىنىڭ ورىنباسارى قىزمەتىن اتقارعان.

ەسكە سالايىق، اۋداننىڭ بۇرىنعى اكىمى تالعات رازاقوۆ الماتى قالاسى مەملەكەتتىك ەڭبەك ينسپەكسياسى جانە كوشى-قون باسقارماسىنىڭ باسشىسى بولىپ تاعايىندالعان ەدى. 

جەتىسۋ اۋدانىندا سوڭعى 4 جىل ىشىندە سالىق ءتۇسىمى 21 پايىزعا ارتتى، ءوندىرىس ءونىمى 30 ميلليارد تەڭگەگە (22%) جەتتى، نەگىزى كاپيتال ينۆەستيسياسى ەكى ەسە ءوستى، 14 جەكە بالاباقشا مەن 11 مينيورتالىق اشىلدى.

شولۋشى: ايگەرىم تاۋباي