وڭتۇستىك قازاقستان وبلىسىندا دالا ءورتى جيىلەدى. بايدىبەك اۋدانى ەكپىندى اۋىلىنىڭ ماڭىنداعى جايىلىمدىق القاپتان ۇشتانعان ءورت بۇل جولى ەگىسكە ءوتىپ كەتكەن. قىزىل جالىن ءپىسىپ تۇرعان 100 گەكتار استىقتى تۇگەلدەي كۇلگە اينالدىردى دەپ حابارلايدى قامشى اقپاراتتىق اگەنتتىگى 24.kz-كە سىلتەمە جاساي وتىرىپ.

اپتاپتى ىستىقتا قۋراعان شوپتەن شىققان وتتىڭ بۇلايشا تەز تارالۋىنا ۇيىتقي سوققان جەلدىڭ دە اسەرى بولعان. ءورتتى وشىرۋگە 4 ارنايى تەحنيكا مەن 22 ءورت ءسوندىرۋشى بارعان. توتەنشەلىكتەرگە اۋىل ازاماتتارى كومەككە كەلگەن. كوپشىلىك ءتۇس مەزگىلىندە ۇشتانعان ءتىلسىز جاۋدى جابىلىپ ءجۇرىپ، ساعات 18:00 شاماسىندا ازەر دەگەندە ءوشىرىپ العان. ابىروي بولعاندا، جاپا شەككەندەر جوق. «ءقازىر ءتىلسىز جاۋدىڭ شىعۋ سەبەبى مەن ول كەلتىرگەن شىعىن كولەمى انىقتالىپ جاتىر»، – دەيدى وقو تجد باسپا ءسوز ورتالىعىنداعىلار.
شولۋشى: اقنۇر مۇحتارحان