بۇگىن ق ر تۇڭعىش پرەزيدەنتى – ەلباسى قورى جانىنداعى الەمدىك ەكونوميكا جانە ساياسات ينستيتۋتىندا (اەسي) الەمنىڭ ۇزدىك 100 جوو تىزىمىنە كىرەتىن قىتايدىڭ الدىڭعى قاتارلى عىلىمي ورتالىعى – فۋدان ۋنيۆەرسيتەتىنىڭ (قحر) وكىلدەرىمەن كەزدەسۋ ءوتتى دەپ حابارلايدى قامشى اقپاراتتىق اگەنتتىگى.

قازاقستاندىق جانە قىتايلىق ساراپشىلار «ۇلكەن ەۋرازياداعى» گەوەكونوميكا مەن گەوساياساتتىڭ جاھاندىق ۇردىستەرىن، «ءبىر بەلدەۋ – ءبىر جول» جوباسىن، سونىمەن قاتار، بىرلەسكەن زەرتتەۋ جۇمىستارىن جۇرگىزۋ مۇمكىندىكتەرىن تالقىلادى.

جۇڭگو دەلەگاسياسىنىڭ قۇرامىندا فۋدان ۋنيۆەرسيتەتى ۆيسە-پرەزيدەنتىنىڭ ورىنباسارى چەن چجيمين، حالىقارالىق قاتىناستار جانە مەملەكەتتىك باسقارۋ مەكتەبىنىڭ، رەسەي مەن ورتالىق ازيا ينستيتۋتىنىڭ، حالىقارالىق زەرتتەۋ ورتالىقتارىنىڭ وكىلدەرى مەن Guancha.cn  ينتەرنەت-پورتالىنىڭ جۋرناليستەرى بولدى.

- ءبىز قازاقستاندىق جانە قىتايلىق «اقىل-وي ورتالىقتارىنىڭ» بىرلەسىپ جۇمىس ىستەۋ ماسەلەلەرىن، ەلباسى نۇرسۇلتان نازاربايەۆتىڭ جاھاندىق باستامالارىن تالقىلاۋدىڭ ناتيجەلى الاڭى سانالاتىن «استانا كلۋبىنىڭ» 3ء-شى وتىرىسى اياسىنداعى ءوزارا ىقپالداستىقتى تالقىلادىق. سونداي-اق، قىتايداعى ءوز سالاسىنداعى الدىڭعى قاتارلى think tank – فۋدان ۋنيۆەرسيتەتىنىڭ رەسەي جانە ورتا ازيا ينستيتۋتىمەن سەرىكتەستىك تۋرالى مەموراندۋمعا قول قويىلدى، - دەدى كەزدەسۋ قورىتىندىسى بويىنشا اەسي ديرەكتورى ەرجان سالتىبايەۆ.

شولۋشى: اسەم المۇحانبەت