استانا ەكسپو 2017 كورمەسىنىڭ العاشقى ايى ارتتا قالدى. ماۋسىمنىڭ 10-ى كۇنى ءوز ەسىگىن ايقارا اشقان قالاشىق اۋماعىنا مىڭداعان مەيمان كەلىپ، ەنەرگەتيكا سالاسىنداعى سوڭعى باستامالارمەن تانىسىپ ۇلگەردى دەپ حابارلايدى قامشى اقپاراتتىق اگەنتتىگى. ەكسپو-عا الىس-جاقىن شەتەلدەردەن، قازاقستاننىڭ تۇكپىر-تۇكپىرىنەن قوناقتار كەلدى. بولاشاق ەنەرگياسى تاقىرىبىندا وتكەن قازاقستان كورمەسى ءسوزسىز وزىندىك ەرەكشەلىگىمەن قوناقتاردى ءتانتى ەتتى.

 دۇنيەجۇزىلىك شارانى ۇيىمداستىرۋشىلار العاشقى 30 كۇندە اتقارىلعان وڭدى ىستەرىن قورىتىندىلاپ، الدىن الا ناتيجەلەرىن جاريالادى. بەيبىت قارىمساقوۆ، «استانا ەكسپو-2017» ۇك» اق باسقارۋشى ديرەكتورى: - ەلىمىزدىڭ باسقا ايماقتارىنان كەلدى. ۇيىمداستىرىلعان توپتارمەن كەلدى، ونىڭ ىشىندە 17700ء-ى بالالار بولدى. نەگىزى ادامدار قاراعاندى، اقمولا، پاۆلودار وبلىستارىنان كەلدى. ءبىزدىڭ ەسەپ بويىنشا كورمەگە 130 مىڭعا جۋىق شەتەل ازاماتى كەلدى. بۇل كەلۋىشلەردىڭ 14 پايىزىن قۇرايدى. رەسەيدەن 35 جارىم مىڭ ادام، گەرمانيادان 19 مىڭ ادام، قىتايدان 11 جارىم مىڭ ادام كەلدى. ەكسپو كەزىندەگى اشىق اسپان رەجيمىنە بايلانىستى ەلىمىزدە 21 اۋە كومپانياسى 28 باعىتتا جۇمىس ىستەپ جاتىر. اپتاسىنا 166 رەيس كەلەدى. مالىمەتكە سايكەس، قالاداعى قوناقۇيلەرگە مەيماندار 60 پايىزعا دەيىن قونىستانعان. بۇل وتكەن جىلمەن سالىستىرعاندا 3 ەسە ارتىق. ءبىر اي ىشىندە كورمەدە 1031 ويىن-ساۋىق جانە ىسكەرلىك شارا ۇيىمداستىرىلدى. ەل، ۇكىمەت باسشىلارى، كوميسسارلاردىڭ قاتىسۋىمەن 84 حاتتامالىق ءىس-شارا ىسكە اسىرىلدى. 1 ماۋسىم-10 شىلدە ارالىعىندا جەڭىلدەتىلگەن 2 اكسيا ۇيىمداستىرىلدى. بيلەتتىڭ تاعى ءبىر ءتۇرى ەنگىزىلدى. جالپى كورمە شتاتتىق رەجيمدە جۇمىس ىستەيدى. كورمە كەزىندە ەشقانداي وقىس وقيعا تىركەلگەن جوق.