باقىتجان ساعىنتايەۆ لاتۆيا پرەزيدەنتى رايموندس ۆەيونيسپەن كەزدەستى، دەپ جازادى قامشى اقپارات اگەنتتىگىگى. بۇل تۋرالى پرەمەر-مينيستردىڭ رەسمي سايتى حابارلايدى.

كەزدەسۋ بارىسىندا جەڭىل جانە تاماق ونەركاسىبى، اۋىل شارۋاشىلىعى، تۋريزم سالالارىندا، سونداي-اق ءبىلىم بەرۋ، ازاماتتىق اۆياسيا جانە مەديسينالىق تۋريزم كادرلارىن دايارلاۋ سالاسىنداعى ەكىجاقتى ساۋدا-ەكونوميكالىق ىنتىماقتاستىقتى ودان ءارى دامىتۋ ماسەلەلەرى تالقىلاندى. 

ترانزيتتىك-كولىكتىك باعىتتاعى ءوزارا ءىس-قيمىل ماسەلەلەرىنە جانە شاعىن جانە ورتا بيزنەستى دامىتۋعا ەرەكشە كوڭىل ءبولىندى. ايتا كەتسەك، قازاقستان مەن لاتۆيا اراسىنداعى ساۋدا اينالىمى 2016 جىلى 126،2 ملن. دولل. قۇراعان (ەكسپورت – 93،5 ملن. دولل.، يمپورت – 32،7 ملن. دولل.). 2017 جىلدىڭ قاڭتار-ساۋىرىندەگى ساۋدا اينالىمى $31،8 ملن. (ەكسپورت – $25،3 ملن.، يمپورت – $6،5 ملن) بولدى. بۇگىندە قازاقستاندا 60-تان استام قازاقستاندىق-لاتۆيالىق بىرلەسكەن كاسىپورىندار جۇمىس ىستەيدى.

سونىمەن قاتار، باقىتجان ساعىنتايەۆ لوندون ءسيتيدىڭ لورد-مەرى ەندريۋ پارمليمەن كەزدەستى كەزدەسۋ بارىسىندا ءىرى ترانسۇلتتىق كومپانيالارمەن ءوزارا ءىس-قيمىل، قارجى قىزمەتتەرىن، شاعىن جانە ورتا بيزنەستى دامىتۋ سالاسىنداعى ەكونوميكالىق ىنتىماقتاستىق ماسەلەلەرى تالقىلاندى.

شولۋشى: گۇلىم جاقان