ايگىلى جازۋشى، نوبەل سىيلىعىنىڭ يەگەرى «ءجۇز جىلدىق جالعىزدىق» رومانىنىڭ اۆتورى گابريەل گارسيا ماركەستىڭ جەكە مۇراعاتى ساتىلدى. ساتىپ الۋشى اقش-تىڭ تەحاس ۋنيۆەرسيتەتى. بۇل تۋرالى «رۋسكايا سلۋجبا ۆۆس» حابارلايدى.

كولۋمبيانىڭ مادەنيەت ءمينيسترى ماريا گاسسەس بۇل كەلىسىم شارتتىڭ ءبىر ۇلتتىڭ، تۇتاس مەملەكەتتىڭ رۋحانياتىنا «نەمقۇرايلىلىقپەن» قاراۋ دەپ، ساتىلىمعا ءوز نارازىلىعىن ءبىلدىرىپتى. وسىعان سايكەس كەلىسىم شارتقا وتىرعان تۋىستارى بيلىكتىڭ ەشقاشاندا ماركەستىڭ قولجازبالارىنا مەملەكەتتىك قۇندىلىق رەتىندە قاراماعانىن تۋرالى ايتىپ وتىر.

ساتىلىم مۇراعاتىندا ماركەسكە نوبەل سىيلىعىن الىپ بەرگەن «ءجۇز جىلدىق جالعىزدىق» رومانىمەن تاعى دا باسقا كىتاپتارىنىڭ قولجازباسى بولعان. 2000-داي حاتتاردىڭ ىشىندە گرەم گرينمەن كارلوس فۋەنتەسپەن حات ارالىق ديالوگتارى، نوبەل سىيلىعىن العانداعى سويلەگەن ءسوزىنىڭ ءماتىنى مەن جازۋ ماشينكاسى، كومپيۋتەرى، شيمايلارى، 40-قا جۋىق فوتو البومدارى بولعان. بۇل مۇراعات جازۋشىنىڭ 50-جىلدىق شىعارماشىلىق عۇمىرىن قامتيدى ەكەن.

ەستەرىڭىزگە سالا كەتەيىك، گابريەل ماركەس وسى جىلدىڭ، ءساۋىر ايىندا 86 جاسقا قاراعان شاعىندا دۇنيەدەن وزعان بولاتىن.

ورىنباسار باقىتبەك