قاراشا ايىنىڭ 25-26 كۇندەرى ماسكەۋ قالاسىندا قازاقستان مەن رەسەي جازۋشىلارىنىڭ باسقوسۋ سالتاناتى وتپەك. بۇل سوۆەت وداعى ىدىراعاننان بەرگى قوس ەل قالامگەرلەرىنىڭ العاشقى رەسمي باسقوسۋى بولماق. ەكى كۇنگە جوسپارلانعان شاراعا قازاقستاننىڭ اتىنان روللان سەيسەنبايەۆ، ولجاس سۇلەيمەنوۆ، نۇرلان ورازالين، اناتوليي كيم، باقىتجان قاناپيانوۆ جانە باسقا دا جازۋشىلار قاتىسادى دەپ كۇتىلۋدە.

كەزدەسۋ ماقساتى ادەبيەتتەگى جاڭاشىل باعىتتاردى جەتىلدىرۋ مەن قازىرگى زامانعى ادەبيەتپەن ۇشتاستىرا ءبىلۋ، قوس ەلدىڭ شىعارماشىلىق بايلانىسىن قالپىنا كەلتىرۋ بولىپ تابىلادى.

شارا «دوڭگەلەك ۇستەل» تۇرىندە وتپەك. وندا تالقىلانار تاقىرىپتار: «ءححى عاسىرداعى ەۋرازيا اۋماعىنداعى كوركەم-ادەبي پروسەسس» جانە «ەۋرازيالىق ادەبي اۋقىم. باستى قادامدار» بولماق.

ورىنباسار باقىتبەك