قاراشا ايىنىڭ باسىندا ءۇرىمشى قالاسىندا قازاق شيپاگەرلىك-دارىگەرلىك قوعامى دەگەن اتپەن قازاق ەمشىلىگىنە ارنالعان رەسمي ورگان جۇمىسىن باستادى جانە اتالعان بىرلەستىكتىڭ قۇرىلۋ سالتى مەن 1ء-شى كەزەكتى قۇرىلتايى بولىپ ءوتتى. اتالعان ورتالىقتىڭ قۇرىلۋىنا رەسمي جۇڭگو بيلىگى تىكەلەي قول ءۇشىن بەرىپ وتىر. قازاق شيپاگەرلىك-دارىگەرلىك قوعامىنىڭ باستى قىزمەتى قازاق ەمشىلىگىن زەرتتەۋ جانە دامىتۋ، سونداي-اق، قازاق ەمشىلىگىندە قولدانىلاتىن دارىلىك وسىمدىكتەردى زاماناۋي مەديسينامەن بىرلەستىرە وتىرىپ ۇلتتىق مەديسينانى جانداندىرۋ بولىپ وتىر. وسى ۋاقىتقا دەيىن 40-قا جۋىق قازاق ەمشىلىگى ءدارىسى شىڭجاڭداعى ءدارىحانالاردا قولدانىمعا تۇسسە، 4 ءتۇرلى ءدارى مەملەكەتتىك ولەمنەن ءوتىپ، بۇكىل قىتايلىق ءدارى رىنوگىنا شىقتى.   "قامشى" سىلتەيدى