«سامۇرىق-قازىنا» ۇلتتىق ءال-اۋقات قورى» اكسيونەرلىك قوعامى باسقارماسىنىڭ 2017 جىلعى 8 تامىزداعى شەشىمىمەن دجابولدينوۆ اسقار سەرگەيەۆيچ «سامۇرىق-قازىنا كونتراكت» ج ش س باس ديرەكتورى بولىپ تاعايىندالدى دەپ حابارلايدى Qamshy.kz اقپارات اگەنتتىگى  «سامۇرىق-قازىنا كونتراكت» ج ش س باسپا ءسوز قىزمەتىنە سىلتەمە جاساي وتىرىپ.

دجابولدينوۆ اسقار سەرگەيەۆيچ 1981 جىلى دۇنيەگە كەلگەن. «بولاشاق» باعدارلاماسى اياسىندا اقپاراتتىق تەحنولوگيالار ماماندىعى بويىنشا Loughborough (ۇلىبريتانيا) ۋنيۆەرسيتەتىنىڭ ماگيستراتۋراسىن ءتامامداعان.

مەنەدجمەنت (قارجىنى باسقارۋ) ماماندىعى بويىنشا قازاقستان-بريتان تەحنيكالىق ۋنيۆەرسيتەتىنىڭ تۇلەگى.
ەڭبەك قىزمەتىن 2004 جىلى باستاعان. ساقتاندىرۋ كومپانياسىندا جۇمىس ىستەگەن، «قازاقستان حالىق بانكى» اق جۇمىس تاجىريبەسى بار.

ءار جىلدارى اقپاراتتىق تەحنولوگيالار سالاسىندا IT مامانى، IT جۇيەسىن سۇيەمەلدەۋ بويىنشا دەپارتامەنت ديرەكتورى، باسقارۋشى ديرەكتور – سقجمق باسقارما مۇشەسى بولىپ جۇمىس ىستەگەن.

سوڭعى جۇمىس ورنى: جوبالار بويىنشا باسقارۋشى ديرەكتور –  «سامۇرىق-قازىنا» جىلجىمايتىن مۇلىك قورى» اق باسقارما مۇشەسى.

«سامۇرىق-قازىنا كونتراكت» ج ش س، «سامۇرىق-قازىنا» ۇلتتىق ءال-اۋقات قورى» اق ەنشىلەس ۇيىمى. ساتىپ الۋ ماسەلەسى بويىنشا قوردىڭ ۋاكىلەتتى ورگانى بولىپ تابىلادى.