قىتايلىق ستۋدەنتتەر «اققۇس» اتتى قازاقشا مۋلتفيلم ءتۇسىردى دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.
«اققۇس» ءمۋلتفيلمىن جۇڭگو كوممۋنيكاسيا ۋنيۆەرسيتەتىنىڭ تۇلەكتەرى ديپلومدىق جۇمىستارىنا تۇسىرگەن. ءفيلمنىڭ سەنارييىن گو زىحاو ەسىمدى جۇڭگو ستۋدەنتى جازىپ، ونى ءتورت كۋرستاسىمەن بىرگە تۇسىرگەن. ال مۋلتيپليكاسيالىق ءفيلمدى قازاق تىلىنە اۋدارۋ جانە كەيىپكەرلەردى دىبىستاۋ ماسەلەسىندە ستۋدەنتتەر شىڭجاڭنىڭ قازاقتار مەكەندەپ وتىرعان التاي قالاسى تەلەكانالىنىڭ كومەگىنە جۇگىنگەن.

گو زىحاونىڭ ايتۋىنشا، ۇلتى جۇڭگو بولعانىنا قاراماستان، بەيجىڭ قالاسىنا كەلگەن وسى ۋاقىتتا تۋعان جەرى التايدىڭ تەرەڭ تاريحى مەن قازاقتاردىڭ تۇرمىس-تىرشىلىگى ءوزىنىڭ ومىرىنە ۇشان-تەڭىز وزگەرىس الىپ كەلگەن.

ول اققۇس ارقىلى قازىرگى كەزدەگى قىتايداعى قازاق جاستارىنىڭ جان-دۇنيەسىن كورسەتۋگە تىرىسقان. مۋلتفيلم 14 مينۋتقا سوزىلادى. وندا اققۇس اتتى قىز قالادا ءوسىپ، تاعدىردىڭ جازۋىمەن كىشكەنتايىنان اناسى مەن اكەسىنىڭ ايالى الاقانىن بىردەي سەزىنبەگەن قازاق قىزىنىڭ اناسى دۇنيەدەن وزعاننان كەيىن، جايلاۋعا كەلىپ، بالا كەزىنەن بىرگە تۇرماعان اكەسىمەن قارىم-قاتىناس ورناتۋى باياندالادى. جايلاۋداعى ءومىر مەن ونداعى كەيىپكەرلەر ارقىلى قازاقتىڭ سالت-داستۇرلەرى كورسەتىلەدى.  «اققۇس» Tencent ۆيدەو پورتالىنا 20 ماۋسىم كۇنى جۇكتەلىپ، ول وسى ۋاقىتقا دەيىن 2 ميلليوننان استام رەت قارالدى.