اقتاۋدا ورتالىق يپپودروم سالىنادى. وندا «اداي» جىلقىسىن سۇرىپتاۋ، اسىلداندىرۋ ورتالىعى جاساقتالماق. ات بايگەسىنەن تمد كۋبوگى مەن حالىقارالىق جارىستاردىڭ جۇلدەسىن الاتىن قازاقى تۇقىمدى اسىلداندىرۋ ماڭعىستاۋ وبلىسىندا جولعا قويىلۋدا دەپ حابارلايدى Qamshy.kz اقپارات اگەنتتىگى. 

«اداي» جىلقىسى 2014 جىلى فرانسيادا وتكەن بۇكىلالەمدىك ات سپورتتارى سايىسىنا قاتىسىپ، ەكى جۇزدەن استام مەملەكەتتىڭ ىشىندە ۇزدىك وندىققا كىرگەن. 120-160 شاقىرىمعا شاباتىن جىلقى ماڭعىستاۋ ەلىندە عانا مەكەن ەتەدى. بۇل تۋرالى ورتالىق كوممۋنيكاسيالار قىزمەتىندە وتكەن ماڭعىستاۋدىڭ استاناداعى مادەنيەت كۇندەرىنە ارنالعان باسپا ءسوز كونفەرەنسيادا بەلگىلى بولدى. 

– ۇستىمىزدەگى جىلى ەلباسىنىڭ باعدارلاماسىنا وراي ۇلتتىق سپورت تۇرلەرىنىڭ ورتالىعى اشىلادى. نەگىزگى ماقسات – اداي جىلقىسىن ناسيحاتتاۋ. ات جارىسى وليمپيادالىق سپورت ءتۇرى ەكەنىن ەسكەرە وتىرىپ، «اداي» جىلقىسىن تۇقىمداستىرۋعا كۇش سالامىز، – دەدى ماڭعىستاۋ وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى بەكبولات بايجانوۆ.

باسپا ءسوز جيىندا 15-18 تامىز كۇندەرى وتەتىن مادەني شارالاردىڭ كەستەسى تانىستىرىلدى. ءتورت كۇنگە سوزىلاتىن شاراعا ماڭعىستاۋ جەرىنىڭ 567 ونەرپازىنىڭ قاتىسۋىمەن استانادا 40-قا جۋىق شارا جوسپارلانعان.