قازاقستانداعى ينكليۋزيۆتى ءبىلىم بەرۋدىڭ نورماتيۆتىك-قۇقىقتىق بازاسىنىڭ نەگىزگى باس پوستۋلاتىندا – ءبىلىم الۋشىنىڭ ءبىلىم بەرۋ قاجەتتىلىكتەرىنە جانە جەكە ەرەكشەلىكتەرىنە ءبىلىم بەرۋ ورتاسىن بەيىمدەۋدى قامتاماسىز ەتەتىن پەداگوگيكالىق كوزقاراس نەگىزىندە بارلىق ءبىلىم الۋشىلاردىڭ تۇراتىن جەرى بويىنشا تەڭ ءبىلىم بەرۋدى قامتاماسىز ەتۋگە نەگىزدەلگەن دەپ حابارلايدى Qamshy.kz اقپارات اگەنتتىگى ءبىلىم جانە عىلىم مينيسترلىگىنىڭ باسپا ءسوز قىزمەتىنە سىلتەمە جاساپ.

ءبىلىم بەرۋدى جانە عىلىمدى دامىتۋدىڭ 2016 - 2019 جىلدارعا ارنالعان مەملەكەتتىك باعدارلامانىڭ (بۇدان ءارى – بعدمب) باستى ماقساتتارىنىڭ ءبىرى ساپالى بىلىمگە تەڭ قولجەتىمدىلىكتى قامتاماسىز ەتۋ بولىپ تابىلادى. بعدمب-نى ىسكە اسىرۋ بويىنشا ءىس-شارالار جوسپارىندا ەرەكشە ءبىلىم بەرۋ قاجەتتىلىكتەرىنە يە بالالارعا جاعداي جاساۋ بويىنشا جەرگىلىكتى اتقارۋشى ورگانداردىڭ كورسەتكىشتەرى ەنگىزىلگەن.

قازىرگى تاڭدا 3500-دەن استام (44،7%) جالپى ءبىلىم بەرەتىن مەكتەپتەردە ەرەكشە ءبىلىم بەرۋ قاجەتتىلىكتەرىنە يە بالالارعا ءبىلىم الۋ ءۇشىن جاعدايلار جاسالعان. 2020 جىلعا دەيىن مەكتەپتەردىڭ 70%-ىندا ينكليۋزيۆتى ءبىلىم بەرۋگە جاعداي جاساۋ جوسپارلانعان.

ق ر ۇكىمەتىنىڭ قولداۋىمەن بعدمب-دا 2018 جىلدان باستاپ ءبىلىم بەرۋ ۇيىمدارىنىڭ شتاتتىق كەستەسىنە مەكتەپتە ەرەكشە ءبىلىم بەرۋ قاجەتتىلىكتەرى بار بالالاردى سۇيەمەلدەۋشى پەداگوگ-اسسيستەنتتىڭ شتاتتىق بىرلىگىن ەنگىزۋ قاراستىرىلعان. الدىن الا بولجام بويىنشا شامامەن 1219-عا جۋىق پەداگوگ-اسسيستەنتتەر (تيۋتەرلەر) تارتىلاتىن بولادى.

اتالعان ءىس-شارالار ەرەكشە ءبىلىم بەرۋ قاجەتتىلىكتەرى بار بالالاردى ساپالى الەۋمەتتەندىرۋدى قامتاماسىز ەتە وتىرىپ، مەكتەپ ورتاسىندا سۇيەمەلدەۋدى ىسكە اسىرۋعا مۇمكىندىك بەرەدى.

«مۇگەدەك جاستار قوعامى» قوعامدىق بىرلەستىگى تىرەك-قيمىل اپپاراتىنىڭ مۇگەدەكتىگى بار (بۇدان ءارى –بتا) بالالار مەن جاسوسپىرىمدەرگە ارنايى قىزمەت كورسەتۋ بويىنشا جوبا ازىرلەگەن.

پيلوتتىق جوبا بتا بالالارى مەن جاسوسپىرىمدەرگە ينكليۋزيۆتى ءبىلىم بەرۋگە قولجەتىمدىلىگىن قامتاماسىز ەتىپ، ولاردىڭ قوعامدا الەۋمەتتەندىرىلۋىنە مۇمكىندىك بەرەدى.

جوبانىڭ ماقساتى ەرەكشە ءبىلىم بەرۋ قاجەتتىلىكتەرى بار بالالار مەن جاستاردى وقۋ پروسەسىندە تيۋتەرلەرمەن قامتاماسىز ەتۋ، ولاردىڭ قوعامعا بەيىمدەلۋىنە جانە بارلىق دەڭگەيدە ءبىلىم الۋ مۇمكىندىكتەرىن قاراستىرادى.

اتالعان جوبانى ىسكە اسىرۋ ءۇشىن جەرگىلىكتى اتقارۋشى ورگاندار تاراپىنان قولداۋ قاجەت.

ەرەكشە ءبىلىم بەرۋ قاجەتتىلىكتەرى بار بالالار مەن جاسوسپىرىمدەردى قوعامدا الەۋمەتتەندىرۋدى جۇزەگە اسىرۋ باعىتىنداعى بىرلەسكەن جۇمىستار الداعى ۋاقىتتا دا مينيسترلىكتىڭ ۇەۇ-مەن قارىم-قاتىناسىندا ءوزىنىڭ جالعاسىن تابادى.