بۇگىن استانادا قازاقستان رەسپۋبليكاسىنىڭ پرەمەر-مينيسترى باقىتجان ساعىنتايەۆ استانا قالاسىنا ءۇش كۇندىك جۇمىس ساپارىمەن كەلگەن فيدجي رەسپۋبليكاسىنىڭ پرەمەر-مينيسترى دجوسايا ۆورەكە باينيمارامامەن كەزدەستى، دەپ حابارلايدى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ.
كەزدەسۋ بارىسىندا ەكونوميكا، تۋريزم، عىلىم جانە ءبىلىم بەرۋدىڭ ءتۇرلى سالالارىنداعى ەكىجاقتى ىنتىماقتاستىقتىڭ پەرسپەكتيۆالارى تالقىلاندى. ەكى ەل اراسىنداعى ەكسپورتتىق-يمپورتتىق وپەراسيالاردىڭ مۇمكىن باعىتتارى قارالدى.
16 تامىزدا فر پرەمەر-مينيسترى دجوسايا ۆورەكە باينيمارامانىڭ قاتىسۋىمەن حالىقارالىق ەكسپو-2017 كورمەسىندە فيدجي رەسپۋبليكاسىنىڭ ۇلتتىق كۇنىنىڭ اشىلۋى جوسپارلانعان.
