جۇرتتىڭ تابىسىن زەرتتەپ، ەسەپتەپ وتىراتىن ايگىلى Forbes جۋرنالى الەمدەگى ەڭ اۋقاتتى سپورتشىلاردىڭ ءتىزىمىن جاسادى. سول تىزىمگە سۇيەنەتىن بولساق، مادريدتىك "رەالدىڭ" شابۋىلشىسى الەمدەگى ەڭ تابىسى كوپ سپورتشى اتاندى دەپ حابارلايدى Qamshy.kz اقپارات اگەنتتىگى vesti.kz-كە cىلتەمە داساي وتىرىپ.

Forbes جۋرنالى ءوزىنىڭ زەرتتەۋىندە، سپورتشىلاردىڭ ءبىر جىلدىق تابىسى مەن ولاردىڭ جارنامادان تۇسكەن پايداسىن قوسا ەسەپتەپتى. سونىڭ قورىتىندىسى بويىنشا، كەشە عانا 5 ويىننان شەتتەتىلگەن "رەالدىڭ" شابۋىلشىسى كريشتيانۋ رونالدۋ 93 ميلليون دوللار تابىسپەن ءال-اۋقاتى زور دەگەن سپورتشىلاردىڭ كوشىن باستادى. 31 جاستاعى شابۋىلشى وتكەن جىلى 35 ميلليون دوللارىن جالاقى رەتىندە السا، 58 ميلليون كىرىسىن جارنامادان تۇسىرگەن. 

ەكىنشى ساتىدا باسكەتبولشى لەبرون دجەيمس جايعاسقان. ونىڭ تابىسى 86،2 ميلليون دوللار. "كليۆلەند كاۆەلەر" كلۋبىنىڭ شابۋىلشىسىنىڭ جالاقىسى 55 ميلليون دوللار بولسا، 32،2 ميلليون دوللار جارنامادان تۇسكەن. 

ۇزدىك ۇشتىكتى كاتالونيالىق "بارسەلونانىڭ" شابۋىلشىسى ليونەل مەسسي تۇيىندەپ تۇر. ونىڭ جالپى تابىسى 80 ميلليون دوللاردى قۇرادى.