وڭتۇستىك كورەيانىڭ 10 مىڭعا جۋىق تۇرعىنى شەرۋگە شىقتى. جيىلعان جۇرت جەرگىلىكتى بيلىكتەن پحەنيان مەن ۆاشينگتون اراسىنداعى احۋالدى بەيبىت جولمەن رەتتەۋدى تالاپ ەتتى دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە بەرىپ. وڭتۇستىك كورەيا پرەزيدەنتى كورشى ەلمەن ديپلوماتيالىق قارىم-قاتىناسىن نىعايتىپ، كورەي تۇبەگىندەگى سوعىستى بولدىرماۋ ءۇشىن قولدان كەلگەننىڭ ءبارىن جاسايتىنىن جەتكىزدى. ەسكە سالساق، شىلدەدە سولتۇستىك كورەيا 2 رەت بالليستيكالىق زىمىراندى سىناقتان وتكىزگەن بولاتىن. مەملەكەت باسشىسى كيم چەن ىن بۇل اقش-قا ەسكەرتۋ رەتىندە جاسالعان ارەكەت ەكەنىن ايتتى.
ال دونالد ترامپ رەسمي پحەنياننىڭ قوقان-لوققىسىنا جاۋاپ قايتارۋعا ءازىر ەكەنىن جەتكىزگەن بولاتىن. وسىدان كەيىن بىردەن سولتۇستىك كورەيا اسكەريلەرى اقش-قا قاراستى گۋام ارالىن بالليستيكالىق زىمىرانمەن اتقىلاۋعا دايىن ەكەنىن ايتىپ، سەس كورسەتكەن. ويتكەنى مۇندا امەريكالىقتاردىڭ اسكەري بازالارى ورنالاسقان.
پىكىر قالدىرۋ