افريكا قارقىندى دامۋشى جانە باسقا مەملەكەتتەرمەن ديپلوماتيالىق قاتىناستى نىعايتۋعا دايىن كونتينەنت دەپ حابارلايدى Qamshy.kz اقپارات اگەنتتىگى. افريكا كونتينەنتى دامۋدىڭ ينۆەستيسيالىق ورتالىعى بولىپ تابىلادى. بۇل تۋرالى ەكسپو-2017 حالىقارالىق مامانداندىرىلعان كورمە اياسىنداعى افريكانىڭ ۇلتتىق كۇنى بارىسىندا سەررا لەونە رەسپۋبليكاسىنىڭ باس كوميسسارى فيليپپ كونتە اتاپ ءوتتى. ءوز سوزىندە فيليپپ كونتە افريكا ماتەريگىنىڭ ەكونوميكالىق ءوسىمىنىڭ وڭدى سەرپىنى تۋرالى باياندادى جانە ەكسپو-2017 كورمەسى قازاقستان مەن افريكا ەلدەرى، سونداي-اق، كورمەنىڭ باسقا دا قاتىسۋشىلارى اراسىندا ءوزارا ءتيىمدى ىنتىماقتاستىققا جاڭا مۇمكىندىكتەر بەرەتىنىنە سەنىمىن ءبىلدىردى.

«ەلىمىزدىڭ ەكونوميكاسى، ءوندىرىس جانە جەكەلەگەن ساۋدا سەكتورلارى قارقىندى دامۋدا. 2016 جىلعى ستاتيستيكا بويىنشا ءجىو ءوسىمى 2016 جىلى 2،2%، ال وسى جىلى 3،4% قۇرادى، 2018 جىلى كورسەتكىش 4،4% بولادى. مەملەكەتىمىز ينۆەستورلارعا اشىق جانە ناتيجەلى سەرىكتەستىككە دايىن. ەكسپو-2017 كورمەسىنە قاتىسۋىمىز بارلىق قاتىسۋشى مەملەكەتتەرمەن ءوزارا ءتيىمدى ىنتىماقتاستىقتىڭ دامۋىنا ىقپال ەتەدى»، – دەدى فيليپپ كونتە.

ءوز كەزەگىندە ەكسپو-2017 كورمەسىنىڭ كوميسسارى ءراپىل جوشىبايەۆ: "قازاقستان افريكا كونتينەنتى ەلدەرىمەن قارىم-قاتىناستاردىڭ دامۋىنا ەرەكشە نازار اۋدارادى"، – دەپ حابارلادى. قازىرگى كەزدە قازاقستان افريكانىڭ 45 ەلدەرىمەن قارىم-قاتىناس ورناتتى. سونداي-اق، ءراپىل جوشىبايەۆ ءوز سوزىندە افريكانىڭ ەكسپو-2017 كورمەسىنە قاتىسۋى – ەكى ەل اراسىنداعى ءوزارا ءتيىمدى ىنتىماقتاستىقتى دامىتۋعا سەرپىن بەرەتىندىگىن اتاپ ءوتتى.

«افريكا پلازاسى – كەلۋشىلەر سانى ەڭ كوپ كورمە نىساندارىنىڭ ءبىرى. ەكسپو-2017 كورمە قوناقتارىنىڭ اتالعان پاۆيلونعا قىزىعۋشىلىعى جوعارى. افريكا پلازا كورمەگە كەلۋشىلەردى مادەني باعدارلاماسى مەن سان ءتۇرلى تاعامدارىمەن جانە ەكسپوناتتارىمەن قىزىقتىرادى. افريكا ەلدەرىنىڭ ەكسپو-2017 كورمەسىنە قاتىسۋى قازاقستان مەن افريكا قارىم-قاتىناستارىنىڭ دامۋىنا جانە عىلىمي-تەحنيكالىق تاجىريبە الماسۋىنا جاڭا سەرپىن بەرەدى»، – دەپ قورىتىندىلادى ءراپىل جوشىبايەۆ.

افريكا كونتينەنتىن ەكسپو-2017 كورمەسىندە 25 ەل تانىستىرادى، ولاردىڭ ىشىندە 13 مەملەكەت ۇلتتىق كۇندەرىن اتاپ ءوتتى.