ۋكراينا باس پروكۋراتۋراسى ۋكراينا ۇلتتىق جەمقورلىققا قارسى بيۋروسىنىڭ لاۋازىمدى تۇلعالارىنىڭ 2016 جىلى اقش-تاعى پرەزيدەنتتىك سايلاۋعا ارالاسقانى ءۇشىن قىلمىستىق ءىس قوزعادى، دەپ جازادى Qamshy.kz اقپارات اگەنتتىگى.

ۋكراينالىق «وبوزريەۆاتەل» سايتىنىڭ مالىمەتىنە سۇيەنسەك، جەمقورلىققا قارسى بيۋرونىڭ وكىلدەرى اقش-تاعى سايلاۋ شتابىنىڭ باسشىسى پول مانافورتتىڭ اتىنا قوماقتى سومادا اقشا اۋدارىلعانى جونىندە سوتقا دەيىنگى تەرگەۋ مالىمەتتەرىن جاريالادى. قۇجاتتا اتالمىش ءىستىڭ زاڭسىز ورىندالعانى كورسەتىلگەن. قىلمىستىق ءىس ۋكراينانىڭ حالىقارالىق دەپۋتاتى اندرەي دەركاچتىڭ باستاماسىمەن اشىلدى.

مانافورتقا اقشا اۋدارۋ تۋرالى قاۋەسەت 2016 جىلدىڭ مامىرىندا شىققان. ونىڭ ۋكرايناداعى جۇمىسىنا امەريكالىق باسپا ءسوز قىزىعۋشىلىق تانىتا باستاعاندا، مانافورت ترامپ كومپانياسىنىڭ باسشىلىعىنان كەتەتىنى جونىندە مالەمدەگەن. ونىڭ ايتۋىنشا، زاڭعا قايشى ارەكەت بولماعان.

2017 جىلدىڭ تامىزىندا ۋكراينا ۇلتتىق جەمقورلىققا قارسى بيۋروسى مەن ارنايى جەمقورلىققا قارسى پروكۋراتۋرانىڭ مانافورت ءىسىن تەرگەۋگە وكىلەتتىلىگى جوق ەكەنى مالىمدەلگەن. 2017 جىلدىڭ 25 شىلدەسىندە دونالد ترامپ پرەزيدەنتتىك سايلاۋعا ۋكراينانىڭ ارالاسۋى جونىندە تەرگەۋ جۇمىستارىن باستاۋ كەرەك ەكەنىن تۆيتتەردەگى پاراقشاسىنا جازعان. پرەزيدەنتتىڭ ويىنشا، ۋكراينالىق كۇشتەر «كلينتوننىڭ پرەزيدەنت بولۋى» ءۇشىن جۇمىس ىستەگەن.