بۇگىن ورتالىق كوممۋنيكاسيالار قىزمەتىندە قاراعاندى جانە اتىراۋ قالالارىندا وتكىزىلەتىن اپاتتىق-قۇتقارۋ جاتتىعۋىنا ارنالعان باسپا ءسوز كونفەرەنسيا ءوتتى. جيىن بارىسىندا بيىل تامىز ايىنىڭ 21-25 ارالىعىندا «كااقق» رمك قاراعاندى فيليالىنىڭ وقۋ-جاتتىعۋ پوليگونىندا تاۋكەن جانە كومىر سالاسىنداعى «ءىV ەتاپتى تاۋكەن-قۇتقارۋ بويىنشا كوپسايىستى جارىس» وتەتىنى بەلگىلى بولدى. جارىسقا شىعىس قازاقستان، پاۆلودار، جامبىل، اقتوبە، قوستاناي، قاراعاندى وبلىستارىنىڭ قۇتقارۋشىلارى كەلىپ قاتىسادى، دەپ حابارلايدى Qamshy.kz اقپارات اگەنتتىگى. 

باسپا ءسوز كونفەرەنسياعا قاتىسقان «كااقق» شجق رمك تاۋ-كەن جانە كومىر سالاسىنىڭ جەدەل الدىن الۋ جۇمىستارى جونىندەگى باسقارما باستىعى  سەرگەي كرىسين، جارىستىڭ ءادىل ءوتىپ، بارلىق شارتتارىنىڭ ساقتالاتىندىعىن ايتتى. سايىس باعدارلاماسىنا: شاحتاعا تۇسۋگە دايىندىق جانە گازدالعان ورتادان، ءبولىنىپ شىققان گازدالعان قازبا قوزعالسىنان كەتۋ ءىس-شارالارى كىرەتىندىگىن اتاپ ءوتتى.

ەلىمىزدە اپاتتىق-قۇتقارۋ قىزمەتىنىڭ كەز-كەلگەن كۇردەلى اۆاريانى جويۋ جۇمىستارىنا تاۋلىگىنە ازىرلىكتە 2800-دەن استام جوعارى بىلىكتى كاسىبي قۇتقارۋشىسى، 600 بىرلىك اۆاريالىق-قۇتقارۋ تەحنيكالارى جانە 6700 بىرلىك ارنايى جابدىقتارى تاعايىندالعان.

ق ر يدم «كاسىبي اسكەريلەندىرىلگەن اۆاريالىق-قۇتقارۋ قىزمەتى» رمك باس ديرەكتورىنىڭ م.ا. گەنەرال-مايور ديحانبەك ساتىلعانوۆ:

- وقۋ-جاتتىعۋدىڭ باستى ماقساتى جەدەل قۇرامنىڭ اۆاريالىق-قۇتقارۋ وپەراسيالارىنىڭ ادىستەرىن جۇرگىزۋ جانە وڭدەۋ تاسىلدەرى ارقىلى اۆاريالىق-قۇتقارۋ جۇمىستارىن جۇرگىزۋدە دايىندىق دەڭگەيىن كوتەرۋ، تەحنوگەندىك سيپاتتاعى ءىرى اۋقىمدى اۆاريالاردى جويۋ كەزىندە جەدەل توپتاردىڭ ءوزارا ىس-ارەكەتتەر جاساۋ، سونداي-اق قۇتقارۋشىلاردىڭ جاتتىعۋلارىن دايىنداۋ، - دەدى.

سپيكەرلەر 2017 جىلعى 28-30 قىركۇيەك ارالىعى اتىراۋ قالاسىندا مۇناي گاز جانە حيميا سالاسىنداعى «اتقىلاما-2017» ارنايى-تاكتيكالىق اۋماقتىق جاتتىعۋ» اتىراۋ فيليالىنىڭ وقۋ-جاتتىعۋ پوليگونىندا وتەتىنىن مالىمدەدى.  ارنايى-تاكتيكالىق اۋماقتىق جاتتىعۋىنا اقتوبە، اتىراۋ، باتىس قازاقستان، ماڭعىستاۋ وبىلىستارىنان كوماندالار كەلىپ قاتىسا الادى.