ءبىرىنشى جارتىجىلدىقتا ازىق-تۇلىك ونىمدەرى ءوندىرىسى 7،5%-عا ۇلعايدى. وتكەن جىلمەن سالىستىرعاندا ۇن، ماكارون ونىمدەرى، جارما، وسىمدىك مايى جانە وڭدەلگەن ءسۇت ءوندىرىسى ءوسىمى بايقالدى. بۇل تۋرالى اوك دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىن ىسكە اسىرۋ بارىسى تۋرالى ق ر ۇكىمەتىندە وتكەن باسپا ءسوز كونفەرەنسياسىندا اۋىل شارۋاشىلىعى ۆيسە-مينيسترى رۇستەم قۇرمانوۆ حابارلادى. بۇل تۋرالى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاساپ حابارلايدى.

رۇستەم قۇرمانوۆتىڭ ايتۋىنشا، قايتا وڭدەۋ كاسىپورىندارىنىڭ الەۋەتى ءالى دە سوڭىنا دەيىن پايدالانىلماعان، وسىعان بايلانىستى اۋىل شارۋاشىلىعى ونىمدەرىن قايتا وڭدەۋ بويىنشا وندىرىستىك قۋاتتاردى ورنالاستىرۋ كارتاسى ازىرلەندى. بۇگىندە قازاقستاندا 1 345 بەلسەندى كاسىپورىن بار، ولاردىڭ ىشىندە مينيسترلىك باسىمدىقتى ورتالىق توپتى انىقتادى، سونى ءبىرىنشى كەزەكتە دامىتۋ جوسپارلانعان.  

كارتا توعىز باعىتتى – ءسۇت، ەت، تەرى جانە ءجۇن، مايلى جانە ءداندى داقىلداردى، قانت قىزىلشاسى مەن كارتوپتى وڭدەۋدى قامتيدى. بۇل باعىتتار 435 كاسىپورىندا ۇسىنىلعان.

سونىمەن قاتار، كارتادا ءۇش جۇيەلى قاعيدات نەگىزگە الىنعان. ءبىرىنشىسى – نەسيە رەسۋرستارىنا قولجەتىمدىلىك جانە اۋىل شارۋاشىلىعى كووپەراتيۆتەرى ارقىلى قاراجات جيناۋ ەسەبىنەن جۇمىس ىستەپ تۇرعان كاسىپورىنداردى بارىنشا جۇكتەۋ. ەكىنشىسى –جۇمىس ىستەپ تۇرعان 80 كاسىپورىندى جاڭعىرتۋ. ءۇشىنشىسى –  شيكىزاتپەن قامتاماسىز ەتىلگەن، ءبىراق جەكە ءوندىرىسى جوق وڭىرلەردە 79 جاڭا قايتا وڭدەۋ كاسىپورنىن سالۋ.