سابىر قىل!
ساسقانىڭ جەتەدى،
سابىرلىق - سۇيكىمدى ەتەدى.
اقىلعا سالساڭ سەن اقىرىن،
جىلان دا، دوس بولىپ كەتەدى.
اڭقاۋ بوپ،
جۇرمەگىن بۇل شاقتا،
قۋلاۋ بول!
ءوزىڭدى جۇمساتپا.
كەزدەسكەن، جولىققان - جاندارعا،
بولا ءبىل: قاتتى دا، جۇمساق تا،
نامىسقا تيىسسە - اياما،
قورقىتسا - قاشپاعىن ساياڭا.
سۇيەتىن، سۇيىكتى - ادامدى،
قورعاعىن!
سۇيە ءتۇس، ايالا.
الدانبا!
الداپ تا جۇرمەگىن،
مازاقتاپ،
ورىنسىز كۇلمەگىن.
جالقاۋلىق مىنبەسىن موينىڭا،
ءوتسىن دە،
ەڭبەكپەن، كۇندەرىڭ.
رەنجىسەڭ،
تۇسىرمە كوڭىلدى،
تىنىش ءجۇر!
ءبىلىپ ءجۇر ءجونىڭدى.
قايتەسىڭ بەكەرگە ءبۇلدىرىپ،
ءبىر-اق رەت كورەتىن ءومىردى.
كومەكتەس،
قارايلاپ شاماڭا،
بايلىقتى - باقىت دەپ ساناما!
تاۋبە دە،
شۇكىر دە،
ريزا بول!
قازىرگى ءساتىڭدى باعالا!
بەك جىلقىبايەۆ
