وڭتۇستىك قازاقستان وبلىسىندا بيىلعى وقۋ جىلىندا جاڭا 20 مەكتەپ ىسكە قوسىلادى. تاعى 23 مەكتەپتىڭ قۇرىلىسىن 2018-2019 جىلدارى اياقتاۋ جوسپارلانىپ وتىر. بۇل تۋرالى وبلىس اكىمى جانسەيىت تۇيمەبايەۆ وڭىردەگى ءبىلىم قىزمەتكەرلەرىنىڭ تامىز كونفەرەنسياسىندا مالىمدەدى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.
ايماق باسشىسىنىڭ سوزىنشە، بيىل رەسپۋبليكا كولەمىندە 1 قىركۇيەك كۇنى جاڭادان 48 مەكتەپ بەرىلسە، سونىڭ 20-سى وڭتۇستىك وڭىرىندە اشىلادى. سونداي-اق وڭىردە بيىلعى جىلى ءبىلىم سالاسىن قارجىلاندىرۋعا وبلىستىق بيۋدجەتتەن 257،6 ملرد. تەڭگە بولىنگەن. مۇنان بولەك، 31،2 ملرد. تەڭگەگە 79 ءبىلىم نىسانىنىڭ قۇرىلىسى جۇرگىزىلىپ جاتسا، ونىڭ 29 ءبىلىم نىسانى جىل سوڭىندا پايدالانۋعا بەرىلمەك. وسىلايشا الداعى ءتورت جىل كولەمىندە 205 جاڭا مەكتەپ سالۋ جوسپارلانىپ وتىر.
«اۋىلداردى مەكتەپتەر سالىنىپ جاتىر، ول ءبىزدىڭ مىندەتىمىز. ال بيىل ۇلتتىق ءبىرىڭعاي تەستىلەۋدە رەسپۋبليكا بويىنشا 15ء-شى ورىنعا تۇراقتاپ وتىرمىز. ال 431 «التىن بەلگى» يەگەرى 100 بالدى دا جيناي الماعان. تۇلەكتەردىڭ 13 پايىزى شەكتى 50 بالدى دا جيناي الماعان. مىنە، ءبىزدىڭ دەڭگەيىمىز. سوندىقتان بىرىگىپ جۇمىس ىستەۋىمىز كەرەك. مەكتەپ بىتىرگەن جاستار سۇرانىسقا يە ماماندار بولۋى كەرەك، جۇمىسسىز جۇرمەۋى ءتيىس. بۇگىنگى تامىز كەڭەسى – ءبىلىم بەرۋ ىسىندەگى جەڭىستەرىمىز بەن كەمشىلىكتەردى سارالايتىن ايشىقتى الاڭ جانە الدىمىزدا تۇرعان مىندەتتەردى پىسىقتايتىن ماڭىزدى باسقوسۋ. ەلباسى نۇرسۇلتان ءابىش ۇلى نازاربايەۆ «تابىستى بولۋدىڭ ەڭ ىرگەلى، باستى فاكتورى ءبىلىم ەكەنىن اركىم تەرەڭ ءتۇسىنۋى كەرەك. جاستارىمىز باسىمدىق بەرەتىن مەجەلەردىڭ قاتارىندا ءبىلىم ءاردايىم ءبىرىنشى ورىندا تۇرۋى شارت. سەبەبى، قۇندىلىقتار جۇيەسىندە ءبىلىمدى بارىنەن بيىك قوياتىن ۇلت قانا تابىسقا جەتەدى» دەگەن بولاتىن. سوندىقتان دا بۇگىنگى تاڭ – ءبىلىم بەرۋ مازمۇنىنا، وقۋشى مەن پەداگوگ تۇلعاسىنا جانە قىزمەتىنە دەگەن كوزقاراستار تۇبەگەيلى وزگەرىسكە بەت بۇرىپ وتىرعان كۇردەلى كەزەڭ»، – دەدى ءوڭىر باسشىسى.
وبلىس اكىمىنىڭ ايتۋىنشا، جاڭا وقۋ جىلىندا مەكتەپتەرگە 640 مىڭعا جۋىق وقۋشى كەلەدى دەپ جوسپارلانىپ وتىر. بۇل مەكتەپتەگى بالا سانى وتكەن جىلمەن سالىستىرعاندا 28 مىڭعا ارتادى دەگەن ءسوز. ونىڭ ىشىندە 1-سىنىپقا باراتىن بالالار سانى 73 691 بالانى قۇراپ وتىر. جالپى ءوڭىر بويىنشا 1036 مەكتەپ بار بولسا، ونىڭ 7-ەۋى – جەكە مەنشىك. وعان قوسا، وسى وقۋ جىلىندا 8 جاڭا مەكتەپ اشىلدى دەپ كۇتىلۋدە. ماقتارال اۋدانىندا 1-ەۋ، ورداباسى اۋدانىندا 2-ەۋ، سايرام اۋدانىندا 1-ەۋ، تۇلكىباس اۋدانىندا 1-ەۋ جانە شىمكەنت قالاسىندا ءۇش مەكتەپ. 2017-2018 وقۋ جىلىندا 11-سىنىپتى 35 مىڭعا جۋىق تۇلەك بىتىرەتىنى كۇتىلۋدە. سونداي-اق، وڭىردە قازىرگى تاڭدا 69 مىڭنان اسا ءمۇعالىم ءبىلىم بەرەدى. بۇدان بولەك، بالالاردى وقۋلىقپەن قامتاماسىز ەتۋگە 4،5 ملرد. تەڭگە بولىنگەن. وزبەك، تاجىك مەكتەپتەرىنە ارنالعان جاڭا مازمۇندى سىنىپ وقۋلىقتارى اۋدارىلىپ، باسپادان شىعارىلۋدا. وسىنداي جۇمىستار اتقارىلىپ جاتقان سوڭ ءوڭىر باسشىسى ءبىلىم سالاسى قىزمەتكەرلەرىن ساپاعا ءمان بەرىپ جۇمىس ىستەۋگە شاقىردى.
پىكىر قالدىرۋ