بۇگىن الماتى قالاسى اكىمدىگىندە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ورىنباسارى اليك شپەكبايەۆتىڭ توراعالىعىمەن مەملەكەتتىك قىزمەتتەردى كورسەتۋ ساپاسىن ارتتىرۋ جانە سىبايلاس جەمقورلىققا قارسى ءىس-قيمىل بويىنشا كوشپەلى ۆەدومستۆوارالىق جينالىس ءوتتى دەپ حابارلايدى Qamshy.kz اقپارات اگەنتتىگى.
اتالمىش ءىس-شاراعا مەملەكەتتىك كورپوراسيانىڭ «ازاماتتارعا ارنالعان ۇكىمەت»، مەملەكەتتىك ورگانداردىڭ باسشىلارى جانە الماتى قالاسىنىڭ اكتيۆى، سىبايلاس جەمقورلىققا قارسى ستراتەگياسىنىڭ جۇزەگە اسىرۋىن باعالاۋ جانە سىرتقى تالداۋعا ارنالعان ارنايى مونيتورينگتىك توپتىڭ مۇشەلەرى، سونداي-اق اگەنتتىكتىڭ اۋماقتىق بولىمشەلەرى جانە ۆيدەوكونفەرەنسيا بايلانىسى ارقىلى ورتالىق مەملەكەتتىك ورگانداردىڭ وكىلدەرى قاتىستى.
ۆەدومستۆوارالىق جينالىسقا دايىندىق بارىسىندا اليك شپەكبايەۆ قوعاممەن بىرگە ەڭ كوپ تالاپ ەتىلەتىن قىزمەتتەردى حالىققا كورسەتەتىن كوشى-قون، مەملەكەتتىك كىرىستەر، دەنساۋلىق ساقتاۋ، كوممۋنالدىق قىزمەتتەر سالاسىنداعى ءبىرقاتار ۇيىمداردى، سونىمەن قاتار ءار اۋدانداردا ورنالاسقان حالىققا قىزمەت كورسەتۋ ورتالىقتارىن تەكسەرىپ، مەكەمەلەردىڭ جاعدايىنا، قىزمەت كورسەتۋ ساپاسىنا شولۋ جاسادى. اتالعان مەكەمە ورىندارىنا بارعان كەزدە حالىققا قىزمەت كورسەتۋ ساپاسىنىڭ وتە تومەن ەكەندىگى بايقالدى. سونىمەن قاتار جوعارىداعى وبەكتىلەردە ازاماتتار مەن قىزمەت كورسەتىلۋى ءتيىس ادامداردى كۇتۋگە ەشقانداي دا جاعداي جاسالماعاندىعى جانە دە مەملەكەتتىك قىزمەت كورسەتۋ ساپاسىنىڭ تىم تومەن ەكەندىگى جايلى جاۋاپتى تۇلعالاردىڭ شاعىمدارى تىڭدالدى.
ءىس-شارادا جەرگىلىكتى اتقارۋشى ورگاندار مەن كورسەتىلەتىن مەملەكەتتىك قىزمەتتەر عانا ەمەس، تابيعي مونوپوليا سالاسىنداعى ۇيىمداردىڭ دا ماسەلەلەرى بەلگىلەنىپ، سونىمەن قاتار اكىمشىلىك كەدەرگىلەردى جويۋ، بيۋروكراتيالىق تارتىپتەردى، سىبايلاس جەمقورلىقتىڭ الدىن الۋ جانە مەملەكەتتىك قىزمەتتەردى الۋ جولدارىن جەڭىلدەتۋ بويىنشا ناقتى ۇسىنىستار جاسالدى.
اگەنتتىكتىڭ الماتى قالاسى بويىنشا باسشىسى ا.بايحانوۆا استانا قالاسىنىڭ ارنايى حالىققا قىزمەت كورسەتۋ ورتالىعىنىڭ تاجىريبەسى بويىنشا ىشكى بيزنەس-پروسەستەردى قايتا قاراۋعا قاتىستى جۇرگىزىلگەن جۇمىستىڭ ارالىق قورىتىندىلارىن جاساپ، كەزەك كۇتۋ ۋاقىتىنىڭ قىسقارتىلۋىنا جانە قىزمەتتى الۋشىلارعا قىزمەت كورسەتۋ جۇمىسىنا ىقپال ەتكەن جاعىمدى فاكتورلاردى اتاپ ءوتتى.
سونىمەن قاتار، ا.بايحانوۆا حالىققا قىزمەت كورسەتۋ ورتالىقتارىندا كوممۋنالدى قىزمەتتى دە كورسەتىپ، اتالعان سالا بويىنشا ءبىرىڭعاي ستاندارتتى قىزمەت كورسەتۋ جۇيەسىن ەنگىزۋدى ۇسىندى.
سەبەبى تۇرعىندار سۋ-گاز جانە ەلەكتروەنەرگيا سالالارىندا قىزمەت الۋ ءۇشىن قالانىڭ ءار بولىگىندە ورنالاسقان ءتۇرلى مەملەكەتتىك مەكەمەلەرگە بارىپ، كابينەتتەر مەن ءار قاباتتاردا بىرنەشە رەت جۇگىرىپ ءوتىنىش بەرۋگە ءماجبۇر. جوعارىداعى ۇسىنىس وسى جاعدايدىڭ سالدارىنان تۋىنداپ وتىر.
سونىمەن قاتار، الماتى قالاسىندا مەملەكەتتىك قىزمەت كورسەتەتىن جەرگىلىكتى اتقارۋشى مەملەكەتتىك ورگانداردىڭ جۇمىسىن ۇيىمداستىرۋ ءىسىن قايتا قاراپ، ىشكى بيزنەس-پروسەستەردى وڭتايلاندىرۋ جانە اۆتوماتتاندىرۋ ۇسىنىلدى.
قوعامدىق مۇشە وكىلدەرى ءوز كەزەگىندە، مەملەكەتتىك قىزمەتتەر كورسەتۋدى ورتالىق جانە جەرگىلىكتى اتقارۋشى مەملەكەتتىك ورگانداردان «100 ناقتى قادام. ۇلت جوسپارىن» ورىنداۋ ماقساتىندا حالىققا قىزمەتتەردىڭ ساپالى ءارى كاسىبي كورسەتىلۋى ءۇشىن قۇرىلعان «ازاماتتارعا ارنالعان ۇكىمەت» مەملەكەتتىك كورپوراسياسىنا بەرىلۋ قاجەت ەكەندىگىن اتاپ ءوتتى.
اليك شپەكبايەۆ اتاپ وتكەندەي، قازىرگى تاڭدا مەملەكەتتىك قىزمەت كورسەتۋ ساپاسى مەملەكەتتىك اپپاراتتىڭ تولىقتاي كورىنىسى بولىپ وتىر. «سول سەبەپتى دە ءبىز مەملەكەتتىك قىزمەتتەردى كورسەتۋ جۇمىسىنىڭ ساپاسىن كوتەرۋ ماقساتىندا ۇلكەن جانە جۇيەلى جۇمىس باستادىق. بۇل جۇمىس ءبىر رەتتىك سيپاتتا عانا ەمەس. ءارقاشان ءارى جۇيەلى تۇردە جۇرگىزىلەتىن بولادى. بۇلار بيزنەس پروسەستەردى جەتىلدىرۋ جانە تۇرعىنداردىڭ مەملەكەتتىك قىزمەتتەردى الۋ كەزىندە ىڭعايلى جاعدايلار تۋدىرۋعا عانا ەمەس، مەملەكەتتىك قىزمەت كورسەتۋدە مادەنيەتتى قالىپتاستىرىپ، اتالعان سالادا تۇرمىستىق سىبايلاس جەمقورلىقتىڭ تۋىنداۋىن جويادى»، – دەپ اتاپ ءوتتى اليك شپەكبايەۆ.
