Samsung Group باسشىسى لي چجە ءون 5 جىلعا سوتتالدى. بۇل تۋرالى Qamshy.kz اقپارات اگەنتتىگى شەتەلدىك باق-قا سىلتەمە بەرىپ حابارلاديى.
سەۋلدىڭ ورتالىق سوتى ونى ۇرلىق جاسادى جانە پارا الدى دەپ ايىپتاپ وتىر. ونىڭ ءىسى بۇرىنعى پرەزيدەنت پاك كىن حە توڭىرەگىندەگى سىبايلاس جەمقورلىق داۋىنا قاتىستى بولىپ تۇر. تەرگەۋ نۇسقاسى بويىنشا لي چجە ءون ۇكىمەتكە 38 ميلليون اقش دوللارى كولەمىندە پارا ۇسىنعان. كەلىسىم جۇزەگە اسقان جاعدايدا Samsungء-تىڭ ەكى ەنشىلەس قۇرىلىمى بىرىگىپ، ال لي چجە ءوننىڭ كومپانيا توپتارىن باقىلاۋداعى ىقپالى كۇشەيۋى ءتيىس بولعان.
الايدا 49 جاستاعى كاسىپكەر وزىنە تاعىلعان ايىپتى مويىنداعان جوق. وڭتۇستىك كورەيا اگەنتتىگىنىڭ حابارلاۋىنشا، ول سوتتان ۇكىمدى قايتا قاراستىرۋىن تالاپ ەتپەك.
