ءبىلىم بەرۋ سالاسى قىزمەتكەرلەرىنىڭ تامىزداعى كەڭەسى كەزىندە الماتى اكىمى باۋىرجان بايبەك تابىستى ادامنىڭ قانداي بولۋى كەرەكتىگى جايىندا ءسوز قوزعادى. 

"تابىستى ادامدا ءۇش نارسە بولۋى كەرەك: ول ءبىلىمدى، تاربيەلى جانە دەنى ساۋ بولۋى كەرەك. دەنساۋلىق بولماسا، قالعانىنىڭ كەرەگى جوق. سوندىقتان بالالارىمىزدى جاستايىنان دەنىن ساۋ ۇستاۋعا ۇيرەتۋىمىز كەرەك. ۆەلوسيپەد سپورتىن قولدايتىنىمىزدى بىلەسىزدەر. جاپونيالىق ءبىر فيلوسوف كەيبىرەۋلەر جۇگىرۋدى بىرەۋدەن قاشۋ دەپ ويلايدى دەپ ايتقان. جوق ءبىز قارتايعاندا ساۋ بولۋ ءۇشىن جۇگىرەمىز. 40 جاستان اسقاندا ادام كۇشىنەن ايىرىلىپ، سەمىپ قالادى. ال سپورتپەن شۇعىلدانسا، 60، 70 جانە 80 جاسقا دەيىن قۋاتتى بولادى. بالالاردى وسىعان باۋلۋىمىز كەرەك"، - دەيدى الماتى باسشىسى.

بايبەكتىڭ سوزىنشە، بالالاردىڭ دەنساۋلىعى ادامداردىڭ ءوز قولىندا. 

"قازىرگى كەزدە ولار از قوزعالىپ، تەلەديدار الدىندا، پارتادا كوپ وتىرادى. سوندىقتان 1 قىركۇيەكتەن باستاپ ناقتى شاارالار قولدانۋ كەرەك. ومىرتقانىڭ قيسايۋى، كورۋ قابىلەتىنىڭ ناشارلاۋى جانە باسقالارى - مۇنىڭ ءبارى ءبىلىم ساپاسىنا اسەر ەتەدى. جالپىلاي العاندا ءبىزدىڭ بارلىق جوسپارلارىمىزعا قارجى بولىنگەن"، - دەيدى بايبەك. 

قالا باسشىسىنىڭ ايتۋىنشا، قالا بيۋدجەتىنىڭ بەستەن ءبىر بولىگى - 86،4 ميلليارد تەڭگە ءبىلىم بەرۋگە باعىتتالعان. 

"بيىل قالا مەكتەپتەرىن زاماناۋي فيزيكا، حيميا، بيولوگيا، لينگافوندى مۋلتيمەديالىق كابينەتتەرمەن 100 پايىز جابىقتادىق. بۇل ماقساتتا قالا بيۋدجەتىنەن 1،4 ميلليارد تەڭگە ءبولىندى. وقۋلىقتار ساتىپ الۋعا - 2 ميلليارد تەڭگە. جىل سايىن جاڭا مەكتەپتەر مەن بالاباقشالار اشىلىپ جاتىر. ءبىز ينفراقۇرىلىم جاساپ ۇلگەرمەي جاتىرمىز، حالىق سانى ارتىپ، مەكتەپ پەن بالاباقشاداعى ورىنداردىڭ جەتىسپەۋشىلىگى بار، سوندىقتان بۇل ماسەلەلەردى كەشەندى شەشۋىمىز قاجەت"، - دەدى بايبەك.

بيىلعى جىلدان باستاپ الماتىدا 33 مەكتەپ جاڭا جۇيەدە جۇمىس ىستەيتىن بولادى. وندا فيزيكا، بيولوگيا، حيميا، ينفورماتيكا پاندەرى اعىلشىن تىلىندە جۇرگىزەدى. پيلوتتىق جوبا الداعى ەكى جىلدا جۇزەگە اسپاق. بۇل تۋرالى جىل سايىنعى تامىز كەڭەسىندە ءمالىم بولدى. جوبا وزىق تەحنولوگيالاردى مەڭگەرە الاتىن، جاڭاشا ويلاي بىلەتىن ازاماتتاردى تاربيەلەۋگە ىقپال ەتپەك. وسى رەتتە بيىلعى جىلعى ۇلتتىق ءبىرىڭعاي تەستىلەۋ قورىتىندىسى بويىنشا الماتى تاعى دا كوش باستاپ تۇر.

بيىلعى جىلى قالاداعى 123 مەكتەپ سىمسىز  WI-FI جەلىسىنە قوسىلادى. قىركۇيەك ايىنىڭ اياعىنا دەيىن ىسكە قوسىلاتىن جوباعا قالا قازىناسىنان 175 ملن تەڭگە جۇمسالدى. جالپى مەكتەپتەردىڭ زاماناۋي جابدىقتارمەن قامتىلۋىنا بيىلعى جىلى 1،4 ملرد تەڭگە قاراستىرىلىپ، جىلپى ءبىلىم سالاسىنا 63،4 ملرد تەڭگە بولىنگەن. ال جاڭا فورماتتا وتكەن ۇلتتىق ءبىرىڭعاي تەستىلەۋدەن وسى جىلى الماتى وقۋشىلارى 97،5 بالمەن رەسپۋبليكا بويىنشا جوعارى كورسەتكىشتەرگە جەتتى. ءبىلىم سالاسىندا بۇدان وزگە دە جەتىستىكتەر ارتىپ جىعىلادى.

«2017-2018 جىلعى وقۋ جىلىنان باستاپ ق ر ءبىلىم جانە عىلىم مينيسترلىگىنىڭ تاپسىرماسى بويىنشا، الماتى قالاسىندا بىرنەشە پيلوتتىق مەكتەپتەردىڭ بازاسىندا 5-پەن 7ء-شى سىنىپتاردا جالپى كولەمى 20 ساعاتتان تۇراتىن ولكەتانۋ كىرىكتىرىلگەن كۋرسى جۇرگىزىلەتىن بولادى. اتالعان كۋرس گەوگرافيا، قازاق ءتىلى، قازاق ابەديەتى، قازاقستان تاريحى، مۋزىكا پاندەرىنىڭ اياسىندا وقىتىلادى»، - دەدى ءبىلىم بەرۋ باسقارماسىنىڭ باسشىسى راحات شيماشيەۆا.

ودان وزگە، الداعى ەكى جىلدا 7000-نان استام ورىنعا 54 بالاباقشا تەك جەكە ينۆەستورلاردىڭ قارجىسى ەسەبىنەن تۇرعىزىلادى. ونىڭ ىشىندە 3000-عا جۋىق ورىنعا ارنالعان 24 بالاباقشا مەملەكەتتىك مەنشىككە بەرىلەتىن بولادى. ول 23،6 ملرد. تەڭگە مەملەكەت قارجىسىن ۇنەمدەۋگە مۇمكىندىك بەرەدى. بۇل دا قالامىزداعى بيزنەستىڭ جوعارى الەۋمەتتىك جاۋاپكەرشىلىگىنىڭ جارقىن كورىنىسى، دەدى اكىم.

«قازىرگى تاڭدا ءبىلىمدى دامىتۋعا مەملەكەتتىك قارجىمەن قاتار جەكە ينۆەستورلاردىڭ كوپتەپ ۇلەس قوسۋى دا وسى «تۋعان جەر» باعدارلاماسىنىڭ باستى باعىتتارىمەن استاسىپ جاتىر. بۇل ءۇردىس ءبىزدىڭ قالامىزدا كەڭ ءورىس الۋدا. مىسالى، وتكەن وقۋ جىلىندا «Koktem GROUP LTD» كومپانياسىنىڭ قارجىسىنا مەدەۋ اۋدانىندا №168 قازاق مەكتەبى مەن ۇلكەن قازاق بالاباقشاسى اشىلدى. ولارعا ەلباسى ءوزى بارىپ تانىسىپ، جوعارى باعاسىن بەردى. ال، جاڭا وقۋ جىلىندا ناۋرىزباي اۋدانىندا «ءسابي» قايىرىمدىلىق قورىنىڭ قولداۋىمەن سالىنعان 1200 ورىنعا ارنالعان جاڭا مەكتەپ بالالارعا ەسىگىن اشپاق»، - دەدى الماتى قالاسىنىڭ اكىمى باۋىرجان بايبەك.

جىل سايىن قالادا دارىندى جانە شىعارماشىل ۇستازداردى قولداۋعا باعىتتالعان بايقاۋ ۇيىمداستىرىلادى. بيىلعى جىلى قالالىق ۇزدىك پەداگوگيكالىق ۇجىم كونكۋرسىندا جامبىل جابايەۆ اتىنداعى № 161 ليسەي جەڭىمپاز اتاندى. بۇل ماقساتتارعا قالا قازىناسىنان 100 ملن تەڭگە بولىنگەن.