ۆەنەسۋەلا بيلىگى ءوز حالقىن سوعىس تارتىبىنە ۇيرەتىپ جاتىر دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ. بيلىكتەگىلەر قارتتار مەن جاستارعا قارۋدى قالاي قولدانۋ كەرەكتىگىن جانە قالاي جالاڭ قولمەن توبەلەسۋ كەرەكتىگىن ۇيرەتۋدە.
بيلىكتەگىلەردىڭ ساناعى بويىنشا، العاشقى ساباققا 200 مىڭداي اسكەر مەن 700 مىڭ قاراپايىم حالىق قاتىسقان.
بۇنىڭ باستى سەبەبى ۆەنەسۋەلا ەلى ءقازىر اۋىر ساياسي-ەكونوميكالىق داعدارىستى باستان وتكەرىپ جاتىر. ەلدەگى مۇناي باعاسىنىڭ قۇلدىراۋى، ەكسپورتتاۋ كەزىندەگى قيىندىقتار كوبەيمەسە ءالى ازايا قويمادى.
ءساۋىر ايىنان باستالعان بيلىككە قارسى ۇيىمداستىرىلعان كوتەرىلىستەر سانى دا كوبەيىپ كەتتى. وسىعان دەيىن اتالعان كوتەرىلىستەردىڭ كەسىرىنەن 120 مىڭنان استام ادام قازا تاپقان.
