27 تامىز كۇنى گامبۋرگ قالاسىندا وتكەن بوكستان الەم چەمپيوناتىندا قازاقستان قۇراماسىنان شىققان سپورتشىلارىمىز جەڭىسكە جەتىپ، وزدەرىنىڭ باسىم ەكەندەرىن دالەلدەدى، دەپ حابارلايدى Qamshy.kz اقپارات اگەنتتىگى.
56 كەلىگە دەيىنگى سالماق دارەجەسىندە وزبەك مۋرودجون احمادالييەۆپەن كەزدەسكەن قازاقستاندىق قايرات ەرالييەۆ 4:1 ەسەبىمەن وزبەك سپورتشىسىنان باسىم ءتۇسىپ، جەڭىسكە جەتتى. ءسويتىپ ول شيرەك فينالعا شىعىپ، 29 تامىزدا كەزدەسۋ وتكىزەدى.
ايتا كەتەر بولساق، قايرات ەرالييەۆ ريو وليمپياداسىندا كەشەگى بوكستا كەزدەسكەن احمادالييەۆتەن ۇتىلعان بولاتىن. الايدا بۇل جولى وتە جاقسى ناتيجە كورسەتتى.
سونىمەن قاتار، قازاقستاندىق جومارت ەرجان 49 كەلىگە دەيىنگى سالماق دارەجەسىندە شيرەك فينالعا شىققان بولاتىن.
