الماتى قالاسى ءدىن ىستەرى باسقارماسىنىڭ «زەرتتەۋ جانە ساراپتاما ورتالىعى» بىرەگەي ەلەكتروندى رەسۋرستى دايىنداۋ جۇمىستارىن اياقتادى دەپ حابارلايدى Qamshy.kz اقپارات اگەنتتىگى.

ول كەلەسى مۇمكىندىكتەردى ۇسىنادى:

- قالا تۇرعىندارىن زاڭدى تۇردە قىزمەت ەتىپ جاتقان ءدىني ۇيىمدار، كۋلتتىك عيماراتتار جانە ميسسيونەرلەر جايلى بارىنشا حاباردار ەتىپ وتىرادى. ول ءوز كەزەگىندە تىركەلمەگەن ءدىني اعىمدار مەن  دەسترۋكتيۆتى كۋلتتەرگە تارتىلۋىن ايتارلىقتاي ازايتادى؛

- باقىلاۋ پروسەسىن ەداۋىر ءتيىمدى ەتىپ، جۇرگىزىلىپ وتىرعان جۇمىستىڭ جىلدامدىعى مەن ناتيجەلىلىگىن ارتتىرۋعا كومەگىن تيگىزەتىن قالا تۇرعىندارىنا دا قاتىسۋعا مۇمكىندىك بەرەدى.

- جالعىز جانە وزەكتى دەرەكقور  تاۋلىگىنە 24 ساعات بويى مەملەكەتتىك ورگان قىزمەتكەرلەرىنە قولجەتىمدى بولا الادى، سونىمەن قاتار ءوز ارالارىندا بايلانىستى جەدەلدەتىپ، سونىڭ ناتيجەسىندە ءدىن سالاسىنداعى مۇمكىن بولاتىن زاڭ بۇزۋشىلىققا جىلدام شارا قولدانۋعا مۇمكىندىك بەرەدى.