قازاقستاندىق بوكسشىنىڭ پروموۋتەرى گولوۆكيننىڭ سپورتتا ءالى قانشا جىل بولاتىنى تۋرالى پىكىر ءبىلدىردى، دەپ جازادى Qamshy.kz اقپارات اگەنتتىگى Vesti.kz سايتىنا سىلتەمە جاساپ.

ورتا سالماقتا WBA (Super)، IBO، WBC جانە IBF تۇجىرىمدارى بويىنشا الەم چەمپيونى قازاقستاندىق بوكسشى گەنناديي گولوۆكيننىڭ (37-0-1، 33 كو) پروموۋتەرى توم لەففلەردىڭ ايتۋىنشا دۇرىس موتيۆاسيامەن GGG ءالى بەس جىل شارشى الاڭدا جۇدىرىقتاسا الادى

"گولوۆكين ءالى بەس جىل جۇدىرىقتاسا الاتىنىن ايتتى. ونىڭ سوققىسىنىڭ جويقىندىعى سارپىلعان جوق، مۇنى ءبىز دجوردج فورماننىڭ مىسالىنان كوردىك. سوققىنىڭ كۇشى ەشقايدا كەتپەيتىن اتريبۋت. 

گولوۆكيننىڭ قورعانىسى دۇرىس باعالانباعان. ول العا ءجۇرىپ، قىسىم جاسايدى، ال "كانەلومەن" وتكەن جەكپە-جەكتەن سوڭ ونىڭ 12 راۋند وتكىزگەنى كورىنبەدى. بەتى كوگەرگەن جوق، نەبارى ىسىگەن جەرلەرى بولدى. 

دۇرىس موتيۆاسيامەن گولوۆكيننىڭ ءستيلى ءوزى قالاعان ۋاقىتقا دەيىن جۇدىرىقتاسۋعا مۇمكىندىك بەر الادى. ءبىز ۆلاديمير كليچكونىڭ 41 جاسىندا، ال فلويدتىڭ - 40 جاسىندا جۇدىرىقتاسقانىن كوردىك. گولوۆكين الداعى بەس جىلدا ەمىن-ەركىن جۇدىرىقتاسا الادى، الايدا ول بوكستا قانشا بولعىسى كەلسە سونشا بولادى"، - دەدى لەففلەر Sky Sport باسىلىمىنا بەرگەن سۇحباتىندا.