بۇل جولى اقش پرەزيدەنتى الەۋمەتتىك جەلىلەر مەن ءتۇرلى ب ا ق قۇرالدارىندا امەريكالىق سپورتشىلارمەن جاۋلاستى دەپ حابارلايدى Qamshy.kz اقپارات اگەنتتىگى. دونالد ترامپ امەريكالىق فۋتبول قۇراماسىن «مەملەكەتتىك ءانۇراندى قۇرمەتتەمەدى» دەپ ايىپتادى.

شىندىعىنا كەلگەندە، وتكەن جىلدىڭ تامىز ايىنان باستاپ ويىنشىلار ءانۇراندى وتىرىپ نەمەسە تىزەرلەپ وتىرىپ تىڭدايتىندى شىعارعان. ترامپتىڭ بۇل ارەكەتكە جاساعان قارسىلىعىنا تەك فۋتبوليستەر عانا ەمەس، باسكەتبول ويىنى جۇلدىزدارى جانە «وكلەند اتلەتيكس» بەيسبول كلۋبىنىڭ  ويىنشىسى بريۋس ماكسۋەلل دە قىرسىعا ءتۇستى.

دەگەنمەن، ءانۇراندى قۇرمەتتەۋگە شاقىرعان پرەزيدەنتتىڭ جاعىنا شىققاندار دا بولدى. ول «ناسكار» سەرياسى جارىس كولىكتەرى بىرللەستىگى بولدى. پرەزيدەنت ولاردىڭ قولداۋىنا ماداق ايتتى. ايتكەنمەن، كەرىسىنشە وزىنە وشىگۋشى اياق دوپ ويىنشىلارى مەن باسكەتبول ويىنشىلارى سانىن ارتتىرا ءتۇستى.

جەكسەنبى كۇنى ترامپقا قارسىلىقتارىن ءبىلدىرۋ ءۇشىن «لوس-اندجەلەس سپاركس» باسكەتبول كومانداسىندا وينايتىن قىزدار ءانۇران ايتىلعان ساتتە ويىن الاڭىنان كەتىپ قالدى.