الماتىلىقتار 15 قىركۇيەك پەن 15 قاراشا ارالىعىندا وتەتىن تىركەۋ ناۋقانىنا قاتىسىپ جاتقان 78 مەديسينا ۇيىمىنىڭ بىرىنە تىركەلە الادى دەپ حابارلايدى Qamshy.kz اقپارات اگەنتتىگى.

«بيىلعى تىركەۋ ناۋقانىنا قاتىسىپ جاتقان 78 دەنساۋلىق ساقتاۋ سۋبەكتىسىنىڭ 31ء-ى جەكە مەنشىك كلينيكالار»، - دەيدى «الەۋمەتتىك مەديسينالىق ساقتاندىرۋ قورى» كەاق الماتى قالالىق فيليالى ديرەكتورى تىلەۋحان ابىلدايەۆ.

«ناۋقان كەزىندە تۇرعىندار ەمحانا تاڭداۋ قۇقىعىن پايدالانا الادى. ال، مەديسينا ۇيىمدارى ءار دارىگەرگە تۇسەتىن جۇكتەمە مەن 2018 جىلى جان باسىنا شاققاندا  بولىنەتىن قارجى كولەمىن انىقتاۋعا مۇمكىندىك الادى. ول ءۇشىن دەنساۋلىق ساقتاۋ سۋبەكتىلەرى وسى ەكى ايدا وزدەرىنە قانشا ازاماتتىڭ تىركەلگەنىن انىقتاپ الۋى ءتيىس»، - دەيدى فيليال باسشىسى.

ازاماتتار ەكى ءتۇرلى تاسىلمەن تىركەلە الادى: جەكە كۋالىگىمەن ەمحاناعا بارىپ جازباشا ءوتىنىش جازادى نەمەسە ەلەكتروندى ۇكىمەتتىڭ egov.kz پورتالى ارقىلى تىركەلەدى.

ال، ەمحانا تاڭداۋ قۇقىعىن پايدالانباعان تۇرعىندار ەمحاناعا تۇرعىلىقتى جەرى بويىنشا اۆتوماتتى تۇردە تىركەلەدى.

تىركەۋ ناۋقانى تۋرالى تولىق مالىمەتتى مەديسينالىق ساقتاندىرۋ قورىنىڭ fms.kz سايتىنان الۋعا بولادى. ناۋقانعا قاتىسىپ جاتقان مەديسينا ۇيىمدارىنىڭ تولىق ءتىزىمى سايتتىڭ «كلينيكا تاڭداۋ» بولىمىندە  ورنالاسقان.

ەستەرىڭىزگە سالا كەتسەك، الەۋمەتتىك مەديسينالىق ساقتاندىرۋ قورى 7 قىركۇيەكتە دەنساۋلىق ساقتاۋ سۋبەكتىلەرىنىڭ دەرەكقورىن قالىپتاستىرۋ جۇمىستارىن باستاعان. وعان مەملەكەتتىك تاپسىرىس نەگىزىندە حالىققا قىزمەت كورسەتۋدەن ۇمىتكەر 1519 مەديسينا ۇيىمى ءوتىنىش بەردى. سونىڭ 193ء-ى الماتى قالاسىندا ورنالاسقان.