بەلورۋسياداعى قازاقستان ەلشىلىگىنىڭ ەسەپشىسى 700 مىڭ دوللار قارجىنى زاڭسىز العانى ءۇشىن 7 جىل جانە 6 ايعا سوتتالىپ وتىر. بۇل تۋرالى Qamshy.kz اقپارات اگەنتتىگى حابارلايدى.
ۇستىمىزدەگى جىلدىڭ 26-شى قىركۇيەگىندە استاناداعى الماتى ايماقتىق سوتىنىڭ №2 ۇكىمىمەن اسقار سەيدۋالييەۆ 189 باپتىڭ 4 تارماعىنىڭ 2ء-شى بولىمىنە (سەنىپ تاپسىرعان وزگەنىڭ مۇلكىن يەمدەنىپ الۋ جانە جۇمساۋ) سايكەس كىنالى دەپ تانىلىپ ق ر قىلمىستىق كودەكسىنە ساي 7 جىل، 6 ايعا باس بوستاندىعىنان ايىرىلدى. وعان قوسا ايىپتالۋشىنىڭ مۇلكى تاركىلەنىپ، ەسەپشى قىزمەتىن اتقارۋىنا تىيىم سالىندى.
جۇرگىزىلگەن تەكسەرىستەر ناتيجەسىندە ا. سەيدۋالييەۆ 2012-2015 جىلدار اراسىندا ەلشىلىكتىڭ قۇرىلىسىنا بولىنگەن قاراجاتتان $207 مىڭ اقشا جانە $474 مىڭ 883 كولەمىندە بەلورۋس رەسپۋبليكاسى سالىق ورگاندارىنان بولىنگەن قاراجاتتى جىمقىرعان.
