استانادا پاتەر ورتەنىپ، 68 جاستاعى اپا مەرت بولدى، دەپ حابارلايدى Qamshy.kz اقپارات اگەنتتىگى قازاقپارات مالىمەتىنە سۇيەنىپ.

استانا قالالىق توتەنشە جاعدايلار دەپارتامەنتى مالىمەتىنشە، بەيبىتشىلىك كوشەسى بويىنداعى 5 قاباتتى تۇرعىن ۇيدەگى پاتەردىڭ ورتەنىپ جاتقاندىعى تۋرالى اقپارات ساعات 9-27-دە  تۇسكەن. وقيعا ورنىنا شۇعىل جەتكەن ءورت سوندىرۋشىلەر 25 مينۋتتىڭ ىشىندە  قىزىل جالىننىڭ الدىن الدى. ءتىلسىز جاۋ 50 شارشى مەتر اۋماقتى شارپىعان.

«وكىنىشكە وراي ءورت ورنىنان 1939 جىلى دۇنيەگە كەلگەن ايەلدىڭ مۇردەسى تابىلدى.  سونىمەن قاتار تۇتىندەنۋى دەڭگەيىنىڭ جوعارى بولۋى سالدارىنان ءيىس تيۋ ءقاۋپى دە بولدى. كورشى پاتەردەن 2014 جىلى دۇنيەگە كەلگەن بالا قۇتقارىلدى»، - دەلىنگەن تاراتىلعان اقپاراتتا.

ءورتتى سوندىرۋگە 5 تەحنيكا مەن 20 ءورت ءسوندىرۋشى جۇمىلدىرىلدى. قازىرگى ۋاقىتتا وقىس وقيعانىڭ شىعۋ سەبەپتەرى انىقتالۋ ۇستىندە.