قازاق-بريتان تەحنيكالىق ۋنيۆەرسيتەتى مەن ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى بولىنگەنىن جانە بۇدان بىلاي جەكە-دارا ءعىلىمي-بىلىم بەرۋ مەكەمەسى رەتىندە داميتىنىن مالىمدەدى، - دەپ حابارلايدى Qamshy.kz اقپارات اگەنتتىگى Tengrinews.kz مالىمەتىنە سۇيەنىپ.
1 قىركۇيەكتە "قازمۇنايگاز" ۇك اق مەن ساتبايەۆ اتىنداعى قازۇتزۋ اراسىندا قبتۋ اكسيالارىنىڭ 100 پايىز ۇلەسىن سەنىمدى باسقارۋ كەلىسىمشارتى اياقتالعان.
"وسى ساتتەن باستاپ قبتۋ مەن قازۇتزۋ جەكە-دارا ءعىلىمي-بىلىم بەرۋ مەكەمەسى رەتىندە داميدى. "قازمۇنايگاز" ۇك اق قبتۋ-دىڭ 100 پايىز اكسياسىنا يە. قبتۋ-دا ءبىلىم بەرۋ مەن عىلىم تولىقتاي ءوزارا ارەكەتتەستىكتە" ەكەنى ايتىلدى.
ال ءوز كەزەگىندە قازۇتزۋ وكىلدەرى قبتۋ اكسيالارىن ساتىپ الۋعا مۇمكىندىگى جوق ەكەنىن ايتىپ وتىر. "قبتۋ سەگىز جىل قاتارىنان ۇزدىك تەحنيكالىق ۋنيۆەرسيتەت، قازاقستان تەڭىز اكادەمياسى مەن قازاقستاندا ۇزدىك حالىقارالىق ەكونوميكا مەكتەبى بار. ءسوزسىز، قازۇتزۋ قبتۋ-مەن بىرىگۋدەن ۇتار ەدى، الايدا ونى ساتىپ الۋعا مۇمكىندىگى جوق. قازۇتزۋ قبتۋ-مەن عىلىمي جوبالار جانە جوو-دان كەيىنگى باعدارلامالار بويىنشا قىزمەتتەستىككە مۇددەلى"، - دەدى ساتبايەۆ اتىنداعى قازۇتزۋ باسپا ءسوز قىزمەتىنىڭ وكىلدەرى Tengrinews.kz ساۋالحاتىنا بەرگەن جاۋابىندا.
ەسكە سالايىق، 2015 جىلدىڭ 25 جەلتوقسانىندا قازاقستان پرەزيدەنتى نۇرسۇلتان نازاربايەۆ قازاقستاندىق ەكى جوو-نى بىرىكتىرۋ تۋرالى تاپسىرما بەرگەن بولاتىن. سول كەزدە ەلباسى نۇرسۇلتان نازاربايەۆ ۋنيۆەرسيتەت بازاسىندا ءىرى عىلىمي-زەرتتەۋ ورتالىعىن قۇرۋ مىندەتىن قويىپ، ەل ەكونوميكاسى قازىرگى جاعدايدا جوعارى بىلىكتى كادرلارعا، اسىرەسە ينجەنەرلىك-تەحنيكالىق بەيىندەگى كادرلارعا ءزارۋ ەكەنىن اتاپ وتكەن ەدى.
