ۇلىبريتانيادا ءبىر قۇلاعى جوق، شاشى قالىڭ ءسابي دۇنيەگە كەلدى، دەپ حابارلايدى Qamshy.kz اقپارات اگەنتتىگى Dni.ru سايتىنا سىلتەمە جاساپ.

ءسابيدىڭ اتا-اناسى بريتاندىق فارنۆورت قالاسىندا تۇرادى. كىشكەنتاي ءسابي دە سول جەردە دۇنيەگە كەلگەن. جاڭادان تۋىلعان ءسابي اتا-اناسى مەن پەرزەنتحانا قىزمەتكەرلەرىن تاڭقالدىرعان: ونىڭ شاشى تۋىلعان ساتتەن باستاپ ەرەكشە قالىڭ بولىپتى.

قىزدىڭ ەسىمىن پيكسي روۋز دەپ قويعان. دجەننيفەر ماستەر ەسىمدى جاس انا قىزىنىڭ ەرەكشە قالىڭ شاشىنا تاڭقالعانىن جاسىرمادى. «مەنىڭ قۋانىشىمدا شەك جوق. مەنىڭ رايان جانە كەلسي ەسىمدى ەكى بالامنىڭ دا شاشتارى قالىڭ بولىپ تۋىلعان، الايدا پيكسي بارىنەن دە اسىپ ءتۇستى»، - دەيدى دجەننيفەر.

سونىمەن قاتار، پيكسيگە دارىگەرلەر ميكروتيا دەگەن دياگنوز قويعان، ياعني ءسابيدىڭ وڭ قۇلاعى تۋا بىتكەننەن دۇرىس دامىمايدى. كىشكەنتاي پيكسي وڭ قۇلاعىمەن داۋىستاردى ەستي المايدى. الايدا پيكسيدىڭ اناسىنا بۇل دياگنوز شاشىنا كۇتىم جاساۋىنا ەشقانداي دا كەدەرگى كەلتىرە المايدى.

«ماعان دارىگەرلەر ونىڭ شاشى قالىڭ بولعاندىقتان، وڭ قۇلاعىنىنىڭ جوقتىعىن بايقاتپاي، جاۋىپ جۇرۋگە دە بولاتىندىعىن ايتتى. الايدا، مەن ولاي ىستەمەيمىن. بۇل – مەنىڭ قىزىمنىڭ وزىندىك ەرەكشەلىگى. بۇكىل الەم وعان قارسى تۇرسا دا، مەن قىزىمنىڭ ەشبىر جەرىن وزگەرتكىم كەلمەيدى»، - دەيدى دجەننيفەر ماستەر.