اقان ساتايەۆتىڭ «اناعا اپارار جول» ءفيلمىنىڭ قازاقستان اتىنان وسكار سىيلىعىنا ۇسىنىلعانى بەلگىلى. الايدا، فيلم وسكاردى الا ما، جوق پا، قانشالىقتى مۇمكىندىگى بار، بۇل سۇراقتارعا informburo.kz جاۋاپ ىزدەپ كوردى، دەپ جازادى Qamshy.kz اقپارات اگەنتتىگى.

ءفيلمنىڭ نەگىزگى كورسەتپەك بولعان ويى – انانىڭ بالاعا دەگەن شەكسىز ماحابباتى، قانشا جىل وتسە دە، ءبىر كەزدەرى ايىرىلىپ قالعان بالاسىن ءومىر بويى كۇتۋگە دايىن انانىڭ اسقان توزىمدىلىگى. ءارى انا ءرولىن سومداعان اكتريسا التىناي نوگەربەك اتالمىش ءرولدى ويداعىداي الىپ شىقتى.

جۇت، رەپرەسسيا زامانى... فيلم ءىلياس اتتى كەيىپكەردىڭ دۇنيەگە كەلۋىمەن باستالادى. ءسابيدى بوراندى تۇندە دۇنيەگە اكەلگەن رەجيسسەر ونىڭ تاعدىرىنىڭ دا وتكەل جولداردان تۇراتىنىن كورسەتپەك بولدى. بالا كەزىنەن اناسىنان قول جازىپ قالعان ءىلياس جۇڭگو، تۇركيا جانە وزگە دە مەملەكەتتەردى شارلاپ، كولىمادان ءبىراق شىعادى. اداسقان جولداردان اناسىن، ۇناتقان قىزى ءۇمىتتى ىزدەيدى. «ءىلياس پەن ءۇمىتتىڭ العاش ۆوكزالدا كەزدەسىپ، سول ۋاقىتتا قوشتاسقان ءساتى – ميحايل كالاتوزوۆتىڭ «لەتيات جۋراۆلي» كارتيناسىنىڭ دالمە-دال كوشىرمەسى» دەيدى informburo.kz ءتىلشىسى.

دنەپردەگى شايقاس الاڭى ءوز دەڭگەيىندە تۇسىرىلگەن. ءفيلمنىڭ سوڭىندا ءىلياس اناسىنان جاستايىنان قول ءۇزىپ قالعان مەكەنگە ءدال سول جولدارمەن قايتا ورالادى.

بۇگىندە قازاقستانداعى وسكار كينوپرەمياسى ءبولىمىنىڭ ءتوراعاسى «اناعا اپارار جول» فيلمىنە ۇلكەن ءۇمىت ارتاتىنىن ايتقان، ءارى اتالمىش ءفيلمدى حالىقارالىق سىيلىققا ابدەن لايىق دەپ سانادى. 

ال «قازاقستاندىق فيلم كۇندەردىڭ بىرىندە وسكار سىيلىعىن يەمدەنە الادى ما؟» دەگەن سۇراققا كوپتەگەن ساراپشىلار ويلانباستان باسىن شايقايدى. ساتىبالدى نارىمبەتوۆتىڭ ايتۋىنشا، كارتينا امەريكاندىق كينواكادەميكتەردىڭ جۇرەگىن ەلجىرەتە الماۋى مۇمكىن، سەبەبى وندا كونيۋنكتۋرالىق وبرازدار جوق.

«بۇل قازاقستاندىق كينونىڭ التىنشى شابۋىلى. بۇدان بۇرىن «موڭعول»، «كەلىن» فيلمدەرىن شىعارعانبىز. بۇل – ساياسيلانعان لوتەرەيا. وسى جىلى قانداي فيلم وسكار سىيلىعىن يەلەندى؟ «لۋننىي سۆەت». ال ءفيلمنىڭ نە جايىندا ەكەنىن بىلەسىزدەر مە؟ كوگىلدەر نەگرلەر تۋرالى... مىنە، وسكار كوميەتىنىڭ پورتەرتى پايدا بولدى. كانن دا، «وسكار» دا ساياسيلانعان. ساياسات پەن ونەردى بايلانىستىرۋ دۇرىس ەمەس»، – دەدى نارىمبەتوۆ.

كينوسىنشى دميتريي موستوۆوي «اناعا اپارار جول» فيلمىنە شولۋ جاساعاندا ءفيلمنىڭ جوعارعى دارەجەدە تۇسىرىلگەنىن جازعان، الايدا وسكار سىيلىعىنا لايىق دەپ ساناماعان.

«مەنىڭشە، ەشقانداي مۇمكىندىك جوق. ءيا، فيلم اقان ساتايەۆتىڭ ەڭ ۇزدىك شىعارماسى. ءبىراق وسكارعا لايىق ەمەس. ونىڭ ۇستىنە «شەت تىلدەگى ەڭ ۇزدىك فيلم» نوميناسياسىن الۋ مۇمكىندىگى جوق. بۇل نوميناسيا بويىنشا كوبىنە ەكزوتيكالىق فيلمدەر ۇسىنىلادى»، – دەپ جازدى موستوۆوي.

سونداي-اق ءفيلمنىڭ زاماناۋي ەمەس ەكەنىن ەسكەرىپ، ءبىرىنشى راۋندتا-اق قۇلايتىنىن ايتتى.

ءوز كەزەگىندە اكتەر، ءارى كينوسىشى كارىم قادىربايەۆ وتاندىق وسكار كوميتەنىنىڭ ءار جىلى  ءبىر قاتەلىكتى قايتالاپ جاتقاندارىن ەسكەرتتى.