قازاقستاندا ۇەۇ دەرەكقورى - infonpo.kz ينتەرنەت-پورتالى ىسكە قوسىلدى.  ەندى، جىل سايىن 31 ناۋرىزعا دەيىن ەلىمىزدەگى بارلىق قوعامدىق ۇيىمدار ءوز قىزمەتى تۋرالى اقپارات ۇسىنۋعا مىندەتتى،- دەپ حاباردايدى Qamshy.kz اقپارات اگەنتتىگى.

ۇەۇ-دىڭ اشىقتىعىن جانە قوعام الدىندا ۇەۇ-دىڭ قىزمەتى تۋرالى اقپاراتتىڭ قولجەتىمدىلىگىن قامتاماسىز ەتۋ ماقساتىندا ۇكىمەتتىك ەمەس ۇيىمداردىڭ دەرەكتەر بازاسى قۇرىلعان بولاتىن. ۇەۇ دەرەكقورى ارقىلى ازاماتتار ۇەۇ قىزمەتىنە قاتىستى قاجەتتى اقپاراتتى الا الادى، ال ۇەۇ بىر-بىرىمەن اقپارات الماسىپ، سەنىمدى سەرىكتەستەر  تابا الادى.

بۇگىنگى تاڭدا ۇكىمەتتىك ەمەس ۇيىمداردىڭ دەرەكقورىندا 3 مىڭداي قازاقستاندىق جانە شەتەلدىك ۇيىمدارداردىڭ تاجىريبەلەرى تۋرالى اقپارات كورسەتىلگەن. ۇەۇ دەرەكقورى ۇكىمەتتىك ەمەس ۇيىمداردىڭ قىزمەتىنىڭ اشىقتىعىن قامتاماسىز ەتۋ جانە ولاردىڭ جۇمىسىمەن حالىقتى اقپاراتتاندىرۋ ماقساتىندا، سونداي-اق مەملەكەتتىك الەۋمەتتىك كەلىسىمشارتتاردى ورنالاستىرۋ، گرانتتار بەرۋ جانە جۇلدەلەردى تاعايىنداۋ شەڭبەرىندە پايدالانۋ ءۇشىن قۇرىلعان اقپاراتتىق دەرەكقور بولىپ تابىلادى.

ۇەۇ دەرەكتەر بازاسىنداعى اقپاراتتار جىل سايىن قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى كوميتەتىنە جىل سايىن ناۋرىز ايىنىڭ 31-نە دەيىن ۇسىنىلۋى ءتيىس.

اقپارات كەلەسىدەي ەكى جولمەن ۇسىنىلادى: ۇەۇ دەرەكقورىنىڭ ينتەرنەت-پورتالى ارقىلى (infonpo.kz) پوشتا ارقىلى نەمەسە قاعاز جانە ەلەكتروندى ب ا ق ارقىلى تاراتىلادى.

ينتەرنەت-پورتال ارقىلى اقپارات بەرۋ تۇتاستاي جۇمىس پروسەسىن  جەڭىلدەتەدى، ەسەپتى تولتىرۋدىڭ دۇرىستىعىنا ىقپال ەتەدى جانە پوشتا قىزمەتىنە اقى تولەۋ شىعىندارىن ەسەپتەمەيدى. ايتا كەتۋ كەرەك، ينتەرنەت-پورتالعا حقكو-نان (حالىققا ىقزمەت كورسەتۋ ورتالىقتارى) الىنعان ۇيىمنىڭ  ەسق(ەلەكتروندى ساندىق قولتاڭبا) كىلتى  ارقىلى تىركەلۋگە بولادى.

دەرەكقورعا اقپاراتتى  ۇسىنباۋ، ۋاقىتىندا بەرمەۋ، سونداي-اق جالعان نەمەسە دۇرىس ەمەس اقپارات بەرگەن جاعدايدا اكىمشىلىك جاۋاپكەرشىلىككە تارتۋ  قاراستىرىلعان. قازاقستان رەسپۋبليكاسىنىڭ «اكىمشىلىك قۇقىق بۇزۋشىلىق تۋرالى» كودەكسىنىڭ 489-1-بابىنا سايكەس،  قۇقىق بۇزۋشىلىق ورىن العان جاعدايدا  ەسكەرتۋ جاسالادى، ال قايتالاناتىن بولسا 25 ايلىق ەسەپتىك كورسەتكىش مولشەرىندە ايىپپۇل سالىنادى، نەمەسە زاڭ بۇزۋشىلىق جاساعان ۇيىمنىڭ قىزمەتى ءۇش اي مەرزىمگە توقتاتىلادى.  

ۇەۇ دەرەكتەر بازاسىنا قاتىستى كەز-كەلگەن اقپاراتتى «شۇعىل جەلى» بولىپ سانالاتىن  8 (7172) 74-04-28، 74-04-20 تەلەفوندارىنا قوڭىراۋ شالۋ ارقىلى بىلە الاسىزدار.

ەستەرىڭىزگە سالا كەتەيىك، قازاقستاندا 19 680 ۇكىمەتتىك ەمەس ۇيىم تىركەلگەن، ونىڭ 13 879-ى قازىرگى ۋاقىتتا ءوز قىزمەتىن بەلسەندى جۇزەگە اسىرۋدا.