ورتا سالماقتاعى WBA (Super)، IBO، WBC جانە IBF تۇجىرىمدارى بويىنشا الەم چەمپيونى قازاقستاندىق بوكسشى گەنناديي گولوۆكين (37-0-1، 33 كو) قازان ايىنىڭ ەكىنشى جارتىسىندا جەر سىلكىنىسىنەن زارداپ شەككەندەرگە كومەكتەسۋ ءۇشىن مەكسيكاعا ات باسىن بۇرادى،-دەپ Qamshy.kz اقپارات اگەنتتىگى khabar.kz سايتىنا سىلتەمە جاساپ حابارلايدى.

بۇل تۋرالى ESPN Deportes باسىلىمىنا گولوۆكيننىڭ پروموۋتەرى توم لەففلەر ازەربايجاننىڭ استاناسى باكۋ قالاسىندا ءوتىپ جاتقان بۇكىلالەمدىك بوكس كەڭەسىنىڭ 55-كونگرەسىندە ايتتى . 

ال بۇكىلالەمدىك بوكس كەڭەسى باسشىلارىنىڭ ايتۋىنشا، گولوۆكين پۋەرتو-ريكو، فلوريدا جانە حيۋستوندا تابيعي اپاتتان زارداپ شەككەندەرگە كومەكتەسەدى.  ەسكە سالايىق، بۇعان دەيىن 16 قىركۇيەك كۇنى لاس-ۆەگاستا وتانداسىمىزدىڭ قارسىلاسى بولعان مەكسيكالىق ساۋل الۆارەس (49-1-2، 34 كو) جەر سىلكىنىسىنەن زارداپ شەككەن وتانداستارىنا 1 ملن دوللار كولەمىندە اقشا اۋدارىپ، كومەكتەسكەن بولاتىن.  مەكسيكاداعى 7،1 بالدىق جەر سىلكىنىسى 19 قىركۇيەك كۇنى بولعان ەدى.

سوڭعى دەرەكتەر بويىنشا، بۇل اپاتتان 360 ادام قازا تاپقان. تاعى ءتورت ميلليونعا جۋىق تۇرعىن جارىقسىز وتىر، دەپ جازادى kaz.vesti.kz.