قازاقستاندىق بوكسشى گەنناديي گولوۆكيننىڭ پروموۋتەرى توم لەففلەر گولوۆكين-الۆارەس ريەۆانشى ناقتى قاي كۇنى بولاتىنىن ايتىپ ءوتتى، دەپ حابارلايدى Qamshy.kz اقپارات اگەنتتىگى Sports.kz سايتىنا سىلتەمە جاساپ.
«گولوۆكين مەن الۆارەستىڭ قايتا كەزدەسۋىن مامىر ايىندا وتكىزۋ ءۇشىن بار كۇشىمىزدى جۇمىلدىرىپ جاتىرمىز. وتكەن اپتادا مەن كانەلونىڭ پروموۋتەرى ەريك گومەسپەن كەزدەسكەن بولاتىنمىن. ريەۆانش مامىر ايىندا ءوتۋ ءۇشىن ءبىزدىڭ تاراپىمىزدان قاجەتتى نارسەنىڭ ءبارىن جاسايمىز، سەبەبى بۇل بۇكىل الەمدىك دەڭگەيدەگى وقيعا. كانەلومەن بولاتىن ريەۆانش جەكپە-جەك گەنناديي گولوۆكين ءۇشىن پريوريتەت، سوندىقتان دا الۆارەس تە بۇل ريەۆانشتى وتكىزۋدى قالاپ وتىر دەپ ۇمىتتەنەمىز. ەگەر، كەلىسسوزدەر ءساتتى وتسە، جەكپە-جەك 5 مامىردا سينكو دە مايودا وتەدى»، - دەدى لەففلەر ءوز سۇحباتىندا.
ەستەرىڭىزگە سالا كەتسەك، گولوۆكين-الۆارەس جەكپە-جەگى تەڭ ەسەپپەن اياقتالعان بولاتىن.
