زاماناۋي اقش تاريحىندا بولعان قاندى وقيعادان كەيىن شەتەلدىك تۋريستەردىڭ لاس-ۆەگاسقا كەلمەي قالۋى بۇگىندە ەڭ وزەكتى سۇراققا اينالىپ وتىر،-دەپ جازادى Qamshy.kz اقپارات اگەنتتىگى.

15 ميلليونعا جۋىق ادام قالا مەيرامحانالارى، قۇمار ويىن ورىندارى مەن بارلاردا ءناپاقاسىن تاۋىپ وتىر. ولاردىڭ ايلىعى جىلىنا 43 ميلليونعا جۋىق كەلىپ-كەتەتىن، ءاربىر 5ء-شى شەتەلدىك ازامات ارقاسىندا تولەنىپ وتىر. باسقاشا سوزبەن ايتقاندا، اقش-قا كەلەتىن شەتەلدىك 10-شى ءتۋريستىڭ 1ء-ۋى لاس-ۆەگاسقا كەلەدى. ForwardKeys تۋريزم اگەنتتىگى باسشىسى وليۆەر دجاگەر: «لاس-ۆەگاس ءتۋريزمىنىڭ قالپىنا كەلۋ ۋاقىتى ب ا ق قۇرالدارى بەتىندەگى قاۋىپسىزدىكتىڭ كۇشەيگەندىگى تۋرالى اقپاراتتىڭ كوبەيگەندىگىنە بايلانىستى بولادى»،-دەيدى. 

تۋريزم سالاسى ماماندارىنىڭ ايتۋىنشا، امەريكاندىقتاردىڭ وزدەرى لاس-ۆەگاسقا وق اتقان قىلمىسكەردىڭ جالعىز جانە تەرروريستەرگە قاتىسى جوقتىعىن بىلگەندىكتەن كەلە بەرۋىن توقتاتپايدى. سوندىقتان، حالىق بولاشاقتا مۇندا تەررورعا قاتىستى وقيعا بولاتىندىعىنا سەنىڭكىرەمەيدى.

الەمدىك ساياحات جانە تۋريزم ەلشىلىگى: «ساياحاتشىلار بەلگىلى ءبىر جەرگە بايلانىستى ءبىرىڭعاي قىلمىستارعا اسا قاتتى ءمان بەرمەيدى. ارينە، بۇل وقيعانىڭ وتە قايعىلى بولعانىن ۇمىتپايمىز جانە ساياحاتشىلار بولاشاقتا دا لاس-ۆەگاسقا كەلۋدى توقتاتپايدى »،- دەگەن ويدا.

«دەگەنمەن، حالىقارالىق ساياحاتشىلار ءۇشىن بۇل وقيعا ماڭىزدى بولۋى مۇمكىن، ويتكەنى ولار اقش-تا ءجيى ورىن الاتىن اتىستاردان قورقادى»–دەيدى «Off On Vacation» تۋريستىك كومپانياسى بار ديانا بين.