جەلىدە ان-28 ۇشاعىنىڭ قۇلاعان ءساتى تۇسىرىلگەن دەلىنگەن ۆيدەو پايدا بولدى، - دەپ Qamshy.kz اقپارات اگەنتتىگى Tengrinews.kz سايتىنا سىلتەمە بەرە وتىرىپ جازادى.

بۇل كادرلار جۇك كولىكتەرى اۆتوتۇراعىندا ورناتىلعان بەينەباقىلاۋ كامەراسىنا ءتۇسىپ قالعان. ۆيدەوداعى مەرزىم قايعىلى وقيعا بولعان كۇنگى ۋاقىتپەن سايكەس كەلەدى - 3 قازان، 18.47. كۇن قاراۋىتقان ءسات، كوشە شامدارى جاعىلعان. جاڭبىر جاۋىپ تۇرعانىن دا اڭعارۋعا بولادى.   46-شى مينۋتتا باستاپقىدا قۇلاپ، كەيىن ورتەنگەنىن بايقاۋعا بولادى. 

وسىعان دەيىن اۋە اپاتىنان قازاقستاندىق بەلگىلى دارىگەر-پروفەسسورلاردىڭ قازا تاپقانى حابارلانعان بولاتىن. دەنساۋلىق ساقتاۋ مينيسترلىگىنىڭ مالىمەتىنشە، 3 قازاندا كەشكى ۋاقىتتا الماتىدان شىمكەنتكە دارىگەرلەر بريگاداسى اۋىر جاعدايدا جاتقان جۇكتى ايەلگە كومەكتەسۋ ءۇشىن اتتانعان. ەسكە سالايىق، 3 قازاندا East Wing اۋەكومپانياسىنىڭ ان-28 ۇشاعى ۇشىپ شىققاننان كەيىن 12 مينۋت وتكەندە راداردان جوعالىپ كەتكەن ەدى. كەيىن ۇشاق الماتى تۇبىندە ورتەنىپ جاتقان جەرىنەن تابىلعان. بورتتا بولعان بەس ادام قازا تاپقان.