الەمگە ايگىلى اكتەر چاك نورريس دەنساۋلىعى مۇشكىل ايەلى ءۇشىن كينو الەمىنەن باس تارتتى.

Express.co.uk باسىلىمىنىڭ مالىمەتىنشە، چاك نورريس ءوزىنىڭ 55 جاستاعى جارى دجەننا ۋلانىپ قالعان سوڭ كينوعا ءتۇسۋدى قويعان.

«مەن تولىعىمەن دجەنناعا كوڭىل ءبولۋ ءۇشىن كارەراما نۇكتە قويدىم. ەندى مەنىڭ ءومىرىم ايەلىمە ارنالادى، ونىڭ ۇزاق جاساعانىن قالايمىن. جانە سوعان سەنەمىن»، - دەپ مالىمدەدى 77 جاستاعى چاك نورريس.

بىرنەشە جىل بۇرىن ءنورريستىڭ ايەلى ءۇش مارتە ماگنيتتى رەزونانستى توموگرافيادان ءوتتى، سول ۋاقىتتا دارىگەرلەر قۇرامىندا اۋىر مەتاللدى گادولييندى زات بار دارى-دارمەك بەرىپ جۇرگەن. سالدارىنان دجەننانىڭ قابىرعالارى مەن بۋىندارى اۋىرسىنىپ، بۇلشىق ەتتەرى الىسىزدەنىپ، ءجيى اۋرۋحاناعا ءتۇسىپ قالاتىن بولدى. ۋاقىت وتە كەلە تىنىستاۋى ناشارلاپ، جاعدايى مۇشكىلدەنە باستايدى.

اكتەردىڭ وتباسى ەم قابىلداۋ ءۇشىن 2 ميلليون دوللارداي قارجى جۇمساعان. ال قۇرامىندا گادولينيي زاتى بار ءدارى وندىرەتىن فارماسيەۆتيكالىق كومپانيانى سوتقا بەرمەكشى.