قاراعاندىدا سەيسەنبىدە "ءدىني الاۋىزدىقتى قوزدىرۋ" بويىنشا قىلمىستىق ءىس سوتتا قارالا باستادى دەپ xابارلايدى Qamshy.kz اقپارات اگەنتتىگى سىلتەمە azattyq.org-قا جاساي وتىرىپ.

بۇل ءىس بويىنشا ەكى ادام - قاراعاندىنىڭ 28 جاستاعى تۇرعىنى ميحايل تكاچيەۆ پەن پەتروپاۆلدىڭ 66 جاستاعى تۇرعىنى ءۋالي ءالياسقاروۆ سوتتالىپ جاتىر. ولارعا الدەبىر "تىيىم سالىنعان" ادەبيەتتى وقىدى دەگەن ايىپ تاعىلعان. ءبىراق تۋىستارى جارتى جىلدان استام ۋاقىت قاماۋدا وتىرعان ولاردىڭ زاڭعا قايشى نە ىستەگەنىن دۇرىس تۇسىنبەيتىنىن ايتادى. ەكى سوتتالۋشىنىڭ دا ءبىلىمى جوعارى. ءالياسقاروۆ بۇرىن كوپ جىل پروكۋراتۋرادا قىزمەت ىستەگەن.

بۇگىنگى سوت وتىرىسىنا سوتتالۋشىلاردىڭ تۋىستارى مەن ارىپتەستەرى كەلدى. ولار جۋرناليستەرمەن سويلەسۋگە قارسى بولمادى جانە ب ا ق وكىلدەرىنىڭ سوت زالىنا كىرگىزىلگەنىن قالادى.

- ولار كىتاپ وقىعان، ءبىراق ەندى ول كىتاپتار "تىيىم سالىنعان" دەپ وتىر. نەگىزىندە، ايىپتىڭ بارلىعى كىتاپقا قانا سۇيەنىپ تاعىلىپ وتىر. ءبىراق قازاقستاندا بۇل كىتاپتارعا تىيىم سالىنباعان. ول كىتاپتار الەمدى تانۋ، جالپى قالاي ءومىر سۇرەتىنىمىز تۋرالى، بارلىق ادادى ءسۇيۋ تۋرالى بولعان. ولار ءدىني ەمەس، عىلىمي-تانىمدىق كىتاپتار. وعان دالەل بار. ول كىتاپتار كوبىنە ەزوتەريكا سالاسىنا قاتىستى جانە مەديسينالىق كىتاپ دەپ اتاۋعا دا بولادى. وندا ادام قانى، ونىڭ ءتۇرلى ويلار اسەرىنەن قالاي وزگەرەتىنى جايلى جازىلعان، - دەدى ميحايل تكاچيەۆتىڭ ايەلى ۆەرا تكاچيەۆا.

سوتتالۋشىلاردىڭ تۋىستارى وزدەرىنە تكاچيەۆ پەن ءالياسقاروۆتىڭ زاڭعا قايشى ناقتى نە ىستەگەنىن تۇسىندىرمەگەنىن ايتادى.

سوتتالۋشىلاردىڭ ادۆوكاتى ولاردى پروسەسكە دايىندالۋى ءۇشىن قاماۋدان ءۇيقاماققا شىعارۋدى سۇرادى. پروكۋرور ول ءوتىنىشتىڭ "ءجونسىز" ەكەنىن ايتادى. ەكى سوتتالۋشىنىڭ دا ادۆوكاتتارى بۇعان دەيىن سۋديا مەن پروكۋرورعا سەنبەيتىنىن ايتىپ، قارسىلىق بىلدىرگەن. پروكۋرور مۇنى "پروسەستى ادەيى سوزۋ" ارەكەتى دەپ اتادى.