بۇگىن ۇكىمەت ۇيىندە ق ر پرەمەر-مينيسترى باقىتجان ساعىنتايەۆ كورپوراسيانىڭ باس اتقارۋشى ديرەكتورى، ديرەكتورلار كەڭەسىنىڭ ءتوراعاسى دجون ۋوتسوننىڭ باسشىلىق ەتۋىمەن «شيەۆرون» وكىلدەرىمەن كەزدەسۋ وتكىزدى، دەپ حابارلايدى Qamshy.kz اقپارات اگەنتتىگى پرەمەر-مينيستردىڭ باسپا ءسوز قىزمەتىنە سىلتەمە جاسسي وتىرىپ.

كەزدەسۋ بارىسىندا مۇناي-گاز سالاسىندا بىرلەسكەن جوبالاردى ودان ءارى ىسكە اسىرۋ ماسەلەلەرى تالقىلاندى. ايتا كەتەيىك، «شيەۆرون» كومپانياسى الەمدەگى بەسىنشى ءىرى بىرىكتىرىلگەن ەنەرگەتيكالىق كومپانيا جانە كاسپيي وڭىرىندە جۇمىس ىستەيتىن كوشباستاۋشى جەكە مۇناي ءوندىرۋشىسى. كومپانيا مۇناي مەن گاز ءوندىرۋ، قايتا وڭدەۋ، مۇناي حيمياسى، ەلەكتر ەنەرگياسىن وندىرۋمەن اينالىسادى، گەوتەرمالدى ەنەرگيا جانە بيووتىن سالاسىندا ازىرلەمەلەر جۇرگىزەدى. قازاقستان رەسپۋبليكاسىندا «شيەۆرون» كومپانياسى «تەڭىزشيەۆرويل» ج ش س (50%)، قاراشىعاناق جوباسىندا (18%)، كاسپيي قۇبىر جەلىسى كونسورسيۋمىنا (15%) قاتىسادى.